DEN CHIKÍ
BATATA TA SALUDABEL?
Un artíkulo chikí pero interesante saka for di Consumentenbond.
Pa mantené e kurpa slank i elegante no nesesariamente mester evitá di kome batata. Batata siertamente ta kontené hopi kolhydrato, pero e ta yenabo bon. P’esei mayoria biaha un hende ta kome ménos di dje ku ora e ta kome aros òf pasta.
Un porshon di batata ta kontené ménos kilokaloria ku aros òf pasta, asta ora bo traha batata machiká i agregá un tiki lechi light i/ òf manteka aden.
Banda di esei batata ta kontené vitamina B6 ku ta importante pa un bon funshonamentu di bo sistema imunológiko i e sistema nervioso, vitamina C, ásido fóliko i fibra.
Komo mama hopi biaha nos ta drùk parti mainta drechando tas i kos di kome pa e muchanan, zòrg pa e kasa ta na tempu i nos ta lubidá riba nos mes. Kuantu di nos, pa e motibu ei, no tin por ehèmpel un kaha di cornflakes den lachi skondí òf ta pasa wak un pastechi promé ku yega trabou? Pa un desayuno a base di sereal ta saludabel, ta bon pa bo sa ku esaki mester kontené ménos ku 10 gram di suku pa porshon. Si e ta kontené mas ku e 10 gram aki, simplemente lo ke bo ta komiendo ta bira un pasaboka ku bo ta usa komo desayuno.
Tene kuenta ku si bo kurpa risibí demasiado suku
fo’i mainta, esaki por okashoná ku bo sistema
por krèsh, lo ke lo no ta un eksperiensha agradabel. Pa mantené bo kurpa i bo stoma satisfecho te ora
di lùnch, ta rekomendabel bo usa serealnan ku ta kontené al ménos 3 gram di fibra pa porshon. Mesun kos ta konta pa proteina; Serealnan ku tin mas di 5 gram di proteina por porshon te mantené bo yen i ta evitá ku bo ta keda kome pa loko durante dia.
DEN CHIKI
Manera ta konosí, resientemente un grupo grandi di eks-studiante i alabes debedornan di DUO, a hasi un keho públiko kontra di Dienst Uitvoering Onderwijs (DUO) via medionan di komunikashon pa loke ta trata e manera kon DUO ta realisá e kobransa di e debenan di estudio pa lokual ta trata e eks-studiantenan na Kòrsou.
E grupo aki durante un enkuentro riba djaweps 18 di yüli último a urgi Minister di Ensenansa, Siensia, Kultura & Deporte (ESKD), señora Marilyn Alcalá-Wallé pa duna nan sosten, yudansa i intermediashon den e forma agresivo i deskriminatorio ku DUO ta hasi kobransa di e debenan di estudio. Gobièrnu di Kòrsou no tin relashon direkto ku DUO, pero ta realisá sí ku mester di intervení den e práktikanan di DUO.
E echo alabes ku na Kòrsou no tin un DUO-helpdesk ta difikultá e proseso pa duna informashon na midí. Gobièrnu di Kòrsou no tin akseso tampoko na e atministrashon di DUO.
Pa fasilitá e proseso di duna keho i sugerensia, Minister Alcalá-Walle a primintí eks-studiantenan ku ta habri un koreo elektróniko kaminda nan por akudí ku nan kehonan i sugerensianan
Koreo elektróniko pa eks-studiantenan relashoná ku DUO ta operashonal