INGREDIENTE
Alternativa saludabel liber di glúten
• Zilvervliesrijst;
• Batata;
• Bonchi;
• Berdura;
• Nechi, amandel;
• Fruta;
• Grano: trigo, maishi i maishi chikí;
• Avena ku logo liber di glúten;
• Pan integral liber di glúten ;
• Pasta liber di glúten;
• Crackers liber di glúten;
• Produkto di lechi manera: lechi, yoghurt, keshi blanku garná i keshi
Hulandes;
• Webu;
• Piska, karni i galiña no prosesá. Pues por ehèmpel e chicken cutlet
prosesá ku speserei i paneermeel por kontené hopi glúten )
Abo i bo amistatnan ta spòrt, hasi ehersisio òf bai gym hopi?. Bo ta puntra bo mes si e dicho "no pain, no gain" ta kuadra? si bo spòrt sin haña doló di spir, ta paso tin progreso òf kresementu di spir?
Tuma nota di lo siguiente: tin dos forma di doló di spir. Doló di spir inisial, ta un sensashon di kimamentu di spirnan na momentu òf nèt despues di e esfuerso físiko. Dor di akumulashon di mèlkzür den e spirnan, puntanan di nèrvio ta keda stimulá, kousando doló.
Doló di spir tardá, ku ta presentá 24 te 48 ora despues di ku bo a spòrt, ta wòrdu okashoná dor di skernan chikí den e fibranan di spir. E spirnan ta hasi doló i ta soportá ménos preshon di ehersisio. E skernan no ta malu, en realidat nan ta sòru pa bo bira mas fuerte. Bo kurpa mes ta bai kura e skernan, kreando un superkompensashon.
Pues, bo kurpa lo rekuperá na un nivel mas
haltu ku esun original i ta prepará su mes pa e próksimo esfuerso físiko pisá dor di krea mas
fibra di múskulo. Doló di spir no ta esensial pa kresementu di spir. Spirnan ta bira mihó dor di ehersisio. Hasi ehersisio ku doló di spir por, tanten ku bo ta trein otro grupo di spir ku esun ku ta hasiendo doló. Esaki pa prevení ku bo ta haña
un leshon di spir. Korda hasi ehersisio na un
manera konsiente i responsabel!
Un aña eskolar strukturá?
Ata'ki 5 tep!
Ata'ki 5 tep!
Un komienso di un aña eskolar nobo ta eksitante, pero alabes ku hopi strès. Sea bo yu ta bai un skol di fundeshi òf un skol sekundario, aki nan tin 5 tep pa bo komo studiante òf mayor tin un aña eskolar eksitoso
1. Ta organisá.
Laga e yu pone su unifòrm ku e tin ku bisti e dia siguiente kla. Deliberá kiko pa kome e siguiente dia den su pousa. Esaki ta yuda gana ora nan balioso i ta yuda redusí kosnan pa hasi den e ora drùk di mainta.Traha tempu pa traha tareanan na kas, dor di organisá tur dokumentu i pone tur fecha di aktividat nan importante riba un kalènder. Ora bo organisá bon i ta bon prepará bo no ta eliminá solamente strès, pero lo bo tin un siman eksitoso.
2. Sosiegu
Probablemente esaki ta un di e kosnan mas importante riba e lista aki.
Un bon soño di anochi ta krusial pa ku e prestashon di e yu. Drumi trempan i lanta tur dia na mesun ora no ta solamente sòru pa un rutina, pero esaki ta brinda e yu ku energia i motivashon pa kuminsá ku e dia .
3. Desayuno
No lubidá riba un bon desayuno. Desayuno ta e kuminda di dia mas importante, e ta stimulá i duna energia. Estudionan a demostrá ku un bon desayuno ta mara na un mihó prestashon, mas konsentrashon i mihó komportashon den klas.
4. Pone metanan pa e aña eskolar aki
Kiko ta bo ambishonnan pa e aña eskolar nobo aki?
Traha un plan riba kiko lo bo ke logra e aña eskolar aki i skibi un lista di bo meta nan ku bo ke logra. Estudio nan a proba ku ora bo skibi bo meta nan, lo bo logra esaki mas lihé.
5. Ta positivo
Na final un bon aktitut ta esensial pa un bon eksperensia na skol. Positivismo ta kontagioso na kolega nan di skol, maestro i na tur sobra amigu (a) nan na skol. Loke ta mas importante ta pensa positivo i perseveransia, pa influensiá sobra studiante nan. Studiantenan ku tin un pensamentu positivo, ta kondusí na un estudio eksitoso. Si bo ta kere den bo mes i bo kapasidat nan, bo lo tin mas chèns pa logra bo metanan. éksito pa e aña eskolar aki!