E BENEFISIO DI TIN UN RATU PA NOS MES!
BO SALÚ
Ozòn ta un supstansia biológiko ku propiedatnan kurativo. E meskla di oksígeno I ozòn ta wòrdu atministrá via di e benanan of rektal.
Ozòn medisinal ta usá den terapia di Ozòn, esaki ta un meskla di oksígeno i gas di ozòn puru. E konsentrashon di e ozòn ta entre 1- 100 mikro gram pa liter. E kantidat total ta wòrdu determiná dor di e persona ku ta atministr’é i dependiendo di e nesesidat.
E meskla ta wòrdu traha na e momentu ku e ta bai wòrdu usa den e “zonoe generator”.
E propiedat I efektonan di e terapia ta hasi ku bakteria I “Skimel” I vírusnan ta bira inaktivo. Tambe e ta promové sirkulashon I ta duna mas oksígeno. E metabolismo di e sèlnan kòrá ta wòrdu promové ku e terapia aki I pa e motibu aki e terapia ta wòrdu usa pa malesanan ku tin di aber ku sirkulashon , malesanan di sanger I ta yuda ku rekuperashon. Dosis nan abou di e terapia di Ozòn ta stimulá e Sistema imunologiko. Resientemente a kuminsá usa dosis nan mas haltu.
E tratamentu mas komun ta esun via di e intestine. E Sistema aki ta wòrdu inyektá via un kateter fini, un persona adulto mes por hinka esaki. E manera aki ta mas simpel, lihé, ménos strès I mas ekonómiko ku esun via sanger.
E meskla ta wòrdu apsorbé via di e Sistema sanguinio, via e kateter. Esaki ta yega te na e igra. E resultado di e tratamentu via sanger I esun via intestine ta trata generalmente e mesun kondishonnan manera reuma, doló, mal sirkulashon I malesanan paresido.
Pa problemanan manera kanser di Colon, infekshon intestinal, malesa di “crohn’s”I malesanan di igra e tratamentu rektal ta mihó.
E tratamentu ta dura entre 20 pa 30 minüt, den un seri di 10 tratamentu. Dor ku e tratamentu aki no ta molestioso I kompletamente sin doló e ta apropiá pa mucha tambe.
Dor ku e Ozòn terapia ta fortalesé defensanan natural, e ta prevení malesanan. Pues e ta efektivo pa usa komo prevenshon.