Den desèmber 2013 un konsumidó atento, studiando su statement di banko, a ripará ku e tabata falta fl. 1000,00 riba su kuenta. Lesando mas aleu e deskripshon riba su statement, e ta tuma nota ku for di 30 novèmber, aparentemente un hende lo mester a pen ku su karchi di banko na un bankomatiko di un otro banko, i a lanta fl. 1000,00 for di su kuenta.
Sabiendo ku e mes ni niun otro hende di dje a bai lanta sèn p’e, e konsumidó a bai su banko pa a informá ta kiko por a pasa òf ta si banko a hasi un fout. Segun e konsumidó ta relatá na nos, na promé instante ora el a entrega su keho na banko, e banko ta bis’é ku lo investigá e kaso i si no tin nada straño, den 2 siman banko lo stòrt e sèn bek riba su kuenta. E persona aki manera kualke bon siudadano lo a hasi, despues di a bai reklamá na su banko, a bai polis tambe i entrega un keho, ya ku na su pareser si no ta fout di banko, e kaso aki ta un kaso di skimming.
I aki Colon a kima! Segun e konsumidó ta sigui relatá su odisea, na momentu ku banko a tuma nota ku e la entregá un keho na polis, diripiente nan e banko no ke inestigá e keho, argumentando awor ku e kaso ta den man di polis, pues laga polis investigá e kaso awor. Polis tambe di su banda ta man yen di kasonan mas “grave”, a bisa konsumidó ku su kaso na promé instante no tin dje tantu prioridat ei.
E konsumidó sintiendo ku e no ta kedando kla ku su banko, a aserka tambe e e banko kaminda e akto lo mester a tuma lugá, pero aki tambe e ta sali defroudá ya ku e banko aki ta bisa di no por yuda den kasonan asin’aki, tanten ku e konsumidó su banko mes no hasi un petishon ofishal pa un investigashon.
Un kaso interesante ku un konsumidó a presentá nan nos ta esun kaminda sin ku e sa, òf a duna outorisashon, un òf mas hende a lanta fl. 1000,00 for di su kuenta di banko.
IMPOSIBEL
Un kaso interesante ku un konsumidó a presentá na nos ta esun kaminda sin ku e sa, òf a duna outorisashon, un òf mas hende a lanta fl. 1000,00 for di su kuenta di banko.