Derechi riba un bon produkto
Pero tene kuenta si! Den sierto kaso bo no por demandá reparashon grátis òf un produkto nobo di e negoshante. Tin biaha bo mester paga èkstra pa reparashon òf pa haña un produkto nobo. Esaki por ta e kaso ora e produkto a daña despues di un temporada mas largu. Si bo no ta dispuesto pa paga èkstra, bo por anulá e kontrakt di kompra. Den e kaso ei bo tin derechi riba (parti di) bo sèn bèk!
Ehèmpel: wasmashin dañá
Bo wasmashin diripiente despues di 3 aña ta daña. E no por wòrdu drecha tampoko. Den e kaso aki bo tin derechi riba un wasmashin nobo. Si ta asina ku pa 3 aña largu bo a usa e wasmashin normal i awor bo ta haña un wasmashin nobo. E por ta akseptabel ku bo ta paga parti di e gastunan di e wasmashin nobo. Bo no ke hasi esaki? E ora ei bo por anulá e kontrakt di kompra. Pero komo bo a usa e wasmashin 3 aña largu, bo ta haña solamente parti di e sèn ku bo a paga pa e wasmashin bèk, paso 3 aña largu bo a laba paña ku e wasmashin sin niun problema.
E promé 6 lunanan bo ta pará mas fuerte
E produkto ku bo a kumpra a daña den e promé 6 lunanan despues ku bo a kumpr’é? E ora ei lei ta asumí ku e produkto no tabata bon ora ku bo a kumpr’é. Si bo ke, den e kaso ei, reparashon grátis òf un produkto nobo di e negoshante, bo ta pará ainda mas fuerte. E negoshante di su banda si por laga investigá si bo a usa e produkto na un manera normal.
4 Tep práktiko!
Ta bon pa bo ta na altura di e maneranan pa evitá un problema ku un negoshante i kiko bo por hasi si tòg un problema a surgi. Ata algun teps ku lo yuda bo den esaki:
1. Si bo haña problema ku e produkto semper bai bèk na
e negoshi kaminda bo a kumpra e produkto;
2. Hasi esaki mas lihé posibel despues ku bo deskubrí e
problema/defekto;
3. Warda bo faktura! Esaki ta hasié mas fásil pa bo pa
demonstrá ku ta na e negoshi bo a kumpra e produkto
defekto;
4. Bo a hasi sierto palabrashonnan spesífiko òf deseonan
spesífiko ku e negoshante pa ku e produkto? Laga e
komersiante pone riba papel, por ehèmpel riba e
faktura.