Lorem ipsum dolor sit
Our town
5
kaha seyá pa negoshantenan
E negoshinan ku aktualmente no tin kaha fiskal ku por seya òf un ‘POS system’ por hasi uzo di:
a) un sistema POS kombiná ku un prenter fiskal seyá;
b) un kaha fiskal seyá (ku ta kaha ku un prenter integrá).
Esnan ku ya tin un sistema POS den e negoshi, por solamente kambia nan prenter di resibu pa un prenter di resibu fiskal , pa por kumpli ku e lei. Ta konsehabel pa chèk si e softwèr di e POS ku e negoshi ta usando ta unu ku ta sertifiká òf ta den proseso pa keda sertifiká pa e ta e ta kompatibel ku e prenter fiskal, sino lo mester kumpra unu ku si ta sertifiká.
Ta bon pa esnan ku ke kumpra e sistema seyá tene kuenta ku e siguiente partinan den lei:
• E sistema di kaha registrá mester keda instalá pa un
tékniko sertifiká pa SBAB.
• Tur kaha fiskal mester keda registrá serka fiskal
mester keda registrá serka SBAB menshonando
number di negoshi, adrès, number di CRIB, number
di Kámara di Komersio i tambe un number di
registrashon di e kaha/prenter fiskal.
• No por limpia e memoria fiskal. Pues, si kumpra un
sistema di kaha fiskal segunda mano, lo mester
kumpra un memoria fiskal nobo tambe.
• Na momento ku e kaha daña, mester raportá esaki
na SBAB i hiba e kaha pa drecha serka un tékniko
sertifiká. (Ta bon pa wak opshonnan pa un servisio
di mantenshon pa por aktua lihé na momento ku tin
mester di un tékniko sertifiká).
Kon pa prepará?
1. Informá serka SBAB ken ta e dilernan sertifiká ku por bende kaha y prenternan seyá.
2. Plania un sita ku un diler di kaha òf POS, pa wak kiko ta e invershonnan nesesario adekuá pa situashon di e negoshi.
3. Kuminsá traha un plan finansiero pa e invershon. Si mester, aserká instansianan finansiero i kompará e kondishonnan di fiansa.
4. Analisá e negoshi y plania e kambio den proseso. Prepará e listanan di preis, formulá e prosesonan nobo di trabou.
5. Plania e dia di instalashon. Hasi e pedido i paga na tempu. Skohe un dia ku no ta drùk. Plania pa tur hende ku mester siña traha ku e sistema t’ei pa un treinen i hasi anotashon ora e eksperto ta splika.