Desaroyo ekonómiko
Serka e empresanan no-finansiero e subida di e aktividatnan ekonómiko real a tuma prinsipalmente lugá den e ramonan di: ‘Kompanianan di Utilidat’ (3,6%), ‘Konstrukshon’ (0,1%). Den e sektor di ‘Gobièrnu’ (1,2%) tambe tabatin un kresementu ekonómiko.
E ramo di utilidat ta mustra un subida di kasi 4 porshento na 2017. Den e ramo aki ta mustra un subida di e volúmen di aktividatnan di tantu awa komo elektrisidat. Tambe e komponente di preis di awa a baha ku kasi 1 porshento.
Den e ramo di konstrukshon por a mira un mehoransa leve. Esaki ta debí na konstrukshon di entre otro mega pier nobo, hospital nobo i tambe diverso konstrukshon di proyektonan chiki.
Na 2017 ta tin un subida den e sifranan preliminar di e balor agregá di aktividatnan di gobièrnu. E aporte di e aktividatnan di gobièrnu na e desaroyo ekonómiko tabata mas den sifra real kompará ku na 2016.
Bahada di e aktividatnan ekonómiko na 2017 a tuma prinsipalmente lugá den e ramonan: ‘Agrikultura, peskeria i mina’ (-1,9%),‘Industria’ (-3,5), ’Komersio’(-4,6%), ‘Hotèl i restorant’ (-1,4 %), Transpòrt i Komunikashon’ (-2,6%),‘Servisio Empresarial’ (-5,4%), ‘Enseñansa’ (-1,5%), ‘Salubridat’ (-0,8%) i “Otro servisionan i negoshinan partikular” (-5,5%). E sektor di ‘Intermediashon finansiero’ tambe tabatin un bahada (-2,6%).
E balor agregá di ‘Agrikultura, peskeria i mina’ ta mustra un bahada di 1,9 porshento, mientras ke den e aña anterior tabatin un kresementu di mas ku 2 porshento.
Aktividatnan den e ramo di ‘Industria” a baha ku 3,5 porshento. Esaki ta debi na e bahada den aktividatnan di entre otro refineria.
Aktividatnan den e ramo di ‘Komersio’ a baha den 2017 ku mas ku 4 porshento, identiko na e aña promé. Esaki ta okashoná dor di un bahada di importashon di produktonan i diferente aktividat komersial den empresanan na 2017.
E sektor turismo ta pasa den tempunan difísil. Na 2017 den e ramo di ‘Hotèl i restorantnan’ tambe tabatin un bahada kompará ku 2016. Un bista general ta mustra ku tabatin un bahada den kantidat di turistanan ku ta pasa anochi for di e diferente regionnan ku eksepshon di e regionnan di Oropa (3%) i Nort Amérika (7%). Di tur e region nan, e region di Karibe e kantidat di turistanan ku ta pasa
anochi na Kòrsou a baha supstansialmente ku 19 porshento na 2017 kompará ku e otro region nan, esaki ta kousá pa e limitashon den konektividat di buelo direkto ku e region. E kantidat di turistanan for di Suramérika ku ta pasa anochi na Kòrsou a mantené un bahada di 17 porshento kompará ku 2016 (25%). For di ‘otro regionnan no indiká’ tin un subida di 36 porshento. Total di turistanan ku ta pasa anochi i e kantidat total di bishitantenan a baha ku respektivamente 1 porshento i 10 porshento. Tur e desaroyonan aki ta baha e balor agregá den a ramo di ‘Hotèl i restorantnan’ ku mas ku 1 porshento.
Awe Fundashon pa Konsumidó ta duna espasio na e resultadonan ku a sali for di e investigashon mas resien ku CBS a kondusí. Den 2017 e resultado di produkto interno bruto (PIB) ta ilustrá ku esaki a sigui baha en komparashon ku e aña anterior. E promé kálkulonan preliminar relashoná ku desaroyo ekonómiko di Kòrsou ta indiká un bahada den aktividatnan ekonómiko ku 1,7 porshento na 2017, ku ta un deterioro ekonómiko mas agudo kompará ku 2016 (-1%). E porsentahenan akí ta reflehá e desaroyo real, ku otro palabra, a koregí nan pa tene kuenta ku desaroyo di preis.
Kòrsou su
Ekonomia
NOTISIA