INGREDIENTE
Alternativa saludabel liber di glúten
• Zilvervliesrijst;
• Batata;
• Bonchi;
• Berdura;
• Nechi, amandel;
• Fruta;
• Grano: trigo, maishi i maishi chikí;
• Avena ku logo liber di glúten;
• Pan integral liber di glúten ;
• Pasta liber di glúten;
• Crackers liber di glúten;
• Produkto di lechi manera: lechi, yoghurt, keshi blanku garná i keshi
Hulandes;
• Webu;
• Piska, karni i galiña no prosesá. Pues por ehèmpel e chicken cutlet
prosesá ku speserei i paneermeel por kontené hopi glúten )
Abo i bo amistatnan ta spòrt, hasi ehersisio òf bai gym hopi?. Bo ta puntra bo mes si e dicho "no pain, no gain" ta kuadra? si bo spòrt sin haña doló di spir, ta paso tin progreso òf kresementu di spir?
Tuma nota di lo siguiente: tin dos forma di doló di spir. Doló di spir inisial, ta un sensashon di kimamentu di spirnan na momentu òf nèt despues di e esfuerso físiko. Dor di akumulashon di mèlkzür den e spirnan, puntanan di nèrvio ta keda stimulá, kousando doló.
Doló di spir tardá, ku ta presentá 24 te 48 ora despues di ku bo a spòrt, ta wòrdu okashoná dor di skernan chikí den e fibranan di spir. E spirnan ta hasi doló i ta soportá ménos preshon di ehersisio. E skernan no ta malu, en realidat nan ta sòru pa bo bira mas fuerte. Bo kurpa mes ta bai kura e skernan, kreando un superkompensashon.
Pues, bo kurpa lo rekuperá na un nivel mas
haltu ku esun original i ta prepará su mes pa e próksimo esfuerso físiko pisá dor di krea mas
fibra di múskulo. Doló di spir no ta esensial pa kresementu di spir. Spirnan ta bira mihó dor di ehersisio. Hasi ehersisio ku doló di spir por, tanten ku bo ta trein otro grupo di spir ku esun ku ta hasiendo doló. Esaki pa prevení ku bo ta haña
un leshon di spir. Korda hasi ehersisio na un
manera konsiente i responsabel!
Desayuno! E kuminda mas importante di dia?
Hopi investigashon no a keda hasí pa asina komprobá ku desayuno ta e kuminda mas importante di dia. Loke si ta remarkabel ta ku e tiki investigashonnan ku a keda hasí, ta kontradesí otro den algun aspekto.
Algun di nan ta duna di konosé ku si bo no desayuná, bo tin chèns pa eksperensiá oumento di peso. Ku por ehèmpel bo ta subi di peso si bo no desayuná, no ta algu ku ta kuadra ku bèrdat. Sí tin indikashon ku bo konsentrashon ta mihó despues di un desayuno. Pero un kòpi di kòfi riba un stoma bashí tambe ta hisa bo konsentrashon.
Si bo no desayuná, chèns ta grandi ku mas den lat di mainta òf mèrdia, bo ta haña gana di kome kosnan di boka dushi. Si bo ta sensibel pa esaki, sòru pa un desayuno saludabel. Kòrda kome mas fibra i ménos suku i vèt saturá.
Produktonan manera musli, avena i tambe un snechi pan integral ku belèg di karni sin vèt, manera galiña, ta un bon eskoho.