E BENEFISIO DI TIN UN RATU PA NOS MES!
BO SALÚ
Kua tipo di chukulati ta mihó?
Sigun un estudio hasi dor di NCBI, The National Center for Biotechnology Information, konsumo di chukulati di lechi òf e chukulati pretu, tin e kapasidat di baha nivel di strès. Resultadonan ta mustra ku un konsumo di 40 gram di chukulati pretu òf chukulati di lechi pa dos siman ta baha e nivel di strès mas tantu, ku ora konsumí chukulati blanku. Serka hende muhé e efekto ta aun ma signifikativo. Esaki no ta pasobra e chukulati pretu ta mas dushi, pero mas bien dor di e kantidat di cacao, kual ta sero den un chukulati blanku.
Dikon esaki ta sosodé?
E keda proba ku strès ta oumentá e peroxidacion lipidica i ta kousa un desekilibrio den e aktividatnan di enzimanan antioxidante. Pues ora konsumí alimentonan ku antioxidantenan sólido manera tin den cacao, ta un bon fórmula pa baha strès.
Ekspertonan den e materia aki ta konsehá mas aleu ku si bo ta bai kome chukulati, skohe chukulati skur/pretu, preferibel ku un mínimo di 85% di cacao. Ademas di yudabo mehorá bo prestashon i kontrolá strès, e tin ménos vèt i suku ku chukulati ku ta kontené lechi.
Ta bon pa enfatisá si ku no ta tur ekstremo ta bon,
si tene kuenta ku por lo general mayoria chukulati ku nos ta gusta no ta kontené cacao so, sino un bon dosis di suku i otro ingredientenan ku ta ser agregá, pa baha e smak marga. P'esei nos mester wak bon e proporshon i kantidat ku nos ta konsumí, ya ku suku tin un importante poder adiktivo pa nos serebro.
Awor ku bo sa e benefishinan di cacao bai i disfrutá di un repi di chukulati i sintibo felis.!!.
E Swiso, Aleman i Irlandesnan ta esnan ku ta konsumidónan mas grandi di chukulati na mundu? Nan ta
mira chukulati komo un “comfort food”, ku ta
lagabo sinti bo bon. Segun Forbes, Swisonan
ta kome un promedio di 20 liber di
chukulati pa aña
Bo tabata sa ku: