Sinembargo, e fabrikante di e kosnan di hunga aki ke hasi nan produkto mas simpel posibel pa usa, pasombra si e kos di hunga ta muchu kompliká, kisas tin hende ku lo no ke kumpra esaki. Pero den e simplesa aki e peliger ta sintá, pasombra hopi biaha “simpel” ta kana man den man ku “inseguridat”. Un ehèmpel di esaki ta e pòpchi “smart” ku yama Cayla. E pòpchi aki ta diseñá pa konektá na un telefòn selular via “bluetooth” pa asina e por usa internèt pa kontesta preguntanan ku e mucha hasi’é.
E problema ta ku pa konektá e pòpchi na un
telefòn selular via bluetooth no tin ningun medida di seguridat. Esaki kiermen ku kualke persona ku un telefòn selularku bluetooth i den un serkania di 9 meter di e pòpchi aki, por konektá na dje i skucha i/o graba kombersashonnan ku ta tumando lugá den serkania di e pòpchi aki. Asta e persona aki por hiba kombersashon ku e mucha si e ta deseá. Esaki ta pone e privasidat di tur persona den serkania di
e pòpchi aki na peliger.
Avansenan teknológiko ta dirigí nos den un “smart nation”, “un nashon ku ta hasi uso di
teknologianan inteligente”. Den futuro, kayanan, edifisionan, lusnan di tráfiko I lusnan
di kaya tur lo bai ta inteligente (smart). Esei kiermen ku e aparatonan aki lo tin nan
mes kòmpiuter interno ku por komuniká via internèt. Aunke aki na Kòrsou nos no ta asina leu
ainda, nos ke dediká atenshon na un fenómeno relativamente nobo, esta
“Smart Toys”, “kos di hunga inteligente pa mucha”.
Esaki ta kos di hunganan ku tin akseso na internèt, pa asina por amplia nan
funshonalidat, pues ku ta hasi esaki mas ku un kos di hunga so pa e mucha. Esaki ta un
avanse teknológiko ku ta hasi kosnan di hunga mas interesante, ya ku nan por
“papia” ku e muchanan òf monitoriá nan aktividat nan ora nan no ta huntu ku
nan mayornan, por ehèmpel na skol òf den speeltuin.
KO'I HUNGA 'SMART'
por spioná bo?