IMPOSIBEL
Un keho ku Fundashon pa Konsumidó ta kere ta bal kompartí ku nos konsumidónan ta unu tokante di un kompra na e negoshi Polytronica. E konsumidó a aserká Polytronica pa kumpra un wasmashin. Debí ku e no tabatin e montante ful pa kumpra e aparato nan a kumbiní ku e kliente ta paga un parti di e balor di e wasmashin pa despues ora e tin e sobrá sèn i ta bin paga i tuma su wasmashin. A resultá ku e konsumidó, pa motibunan finansiero ku a kambia, no por a yega na e restu di e montante i el a aserká Polytronica di nobo pa hasi kambio na e areglo i haña loke el a paga na man bèk òf a lo ménos un tegoedbòn .
Aki Polytronica a ninga redondamente. Ta bon pa menshoná ku den pasado a keda demostrá ku Polytronica su maneho tabata pa duna komo siguransa pa si pa un otro motibu, un transakshon poko poko na man no bai bon e konsumidó lo tin garantia di risibí un tegoedbòn pa ku kua e por kumpra algu otro den e negoshi. E konsumidó a aserká Fundashon pa Konsumidó i di nos parti nos a aserká Polytronica pa e duna e konsumidó un balor na e montante ku ya el a depositá serka Polytronica.
Mester bisa ku ainda Fundashon pa Konsumidó ta pendiente di un kontesta konkreto serka Polytronica.
Aki nos tin di bisa ku no ta e promé keho di e índole aki ku Fundashon pa Konsumidó ta risibí kontra Polytronica. I nos ta referí spesífikamente na mal trato di keho i aktitut no orientá riba interes di su kliente kumpradó. Den tur negoshi kos por bai robes. Produktonan ku ta keda bendí por tin fayo tékniko. Den tur transakshon algu por bai robes. Importante ta kon bo ta atendé ku kehonan komo negoshi. Kuantu balor i rèspèt bo ta duna bo e kliente kumpradó di kua bo ta dependé komo komersiante. Aki e negoshi Polytronica tin hopi di mehorá den su maneho.
PAKIKO
PAGA
ALGU NA
MAN
?