Konsumidó Alertá Volumen 40 Aprel 2018 | Page 16

TEP BASIKO

Pa hasi kompra

Planea adelantá

Ta hopi importante pa plania bo kompra pa bo por kumpra konsiente i ekonómiko. Plania kiko ta e menú di siman pa bo kumpra solamente loke ta nesesario i evitá tambe desperdisio di kuminda. Si bo ta dos persona den un kas, no kumpra kuminda pa ocho persona, a ménos ku bo ta parti esaki i warda sobra den frizer pa usa despues.

Chèk den bo kashinan kiko bo tin kaba, pa bo no kumpra di mas.

Tambe check ofertanan ku tin den korant i hasi uso di esakinan.

Traha un lista di kompra.

Nos tin tendensia di kumpra kos impulsivo i pa evitá esaki ta bon pa bo traha bo lista di kompra i tenebo estriktamente na dje. Sin un lista di kompra bo ta kore riesgo di kumpra kosnan innesesario.

1

2

3

kompará promé ku kumpra

Komo konsumidó bo tin eskoho. Esaki ta nifiká ku riba merkado mester tin diferente preis i diferente marka di un produkto en partikular. No tene miedu pa kompará promé ku bo kumpra. Kòrda ku kada florin, yotin òf dòsplaka ta konta. Tuma kurashi i purba otro markanan. No nesesariamente esun di mas karu ta esun di mas mihó.

KOMPARÁ I KUMPRA