Ta algu spantoso pa pensa ku deskonosínan por hèk (hack) òf spioná bo telefòn selular sin ku bo ta na altura. Awendia e telefònnan selular moderno òf asina yamá telefònnan inteligente “smartphones” ta ekiponan moderno ku ta bini ku funkshonalidatnan sofistiká kual ta hasi posibel ku kasi no ta nesesario pa hasi uso di un kòmpiuter na kas mas. Bo por hasi kasi tur kos ku bo lo a hasi riba un kòmpiuter via di bo telefòn selular mes. E desaroyo aki a trese ku né ku mester garantisá seguridat i privasidat riba “smartphone” tambe.
Tin diferente manera pa hèk (hack), sigui pasonan (track), spioná y / òf kopia tur informashon privá for di den un telefòn. Un manera pa hasi esaki ta pa medio di uso di “spy app”, aplikashon spion kual ta spioná e telefòn selular.
Kiko ta un “spy app” aplikashon spion?
Aplikashon spion ta un aplikashon ku ta wòrdu usa pa spioná aparatonan digital manera por ehèmpel “smartphones” . E tipo di aplikashonnan aki por sigui pasonan ( track) tur aktividat ku bo ta hasi riba bo telefòn manera por ehèmpel ora bo hasi yamada, risibí yamada (call logs), manda sms, informashon di e persona su lokalidat via technologia di GPS , páginanan di Internèt ku bo bishitá, whatsapp, Facebook, Twitter, Email, i mas.
Aki ta siguí algun efekto kual por ta un indikashon ku bo telefòn selular ta di hèk (hack) òf ta wòrdu spioná
Komportashon Straño
Un di e maneranan mas komun pa detektá si bo telefòn selular posiblemente ta infektá dor di un aplikashon spion “spy app” ta dor di komportashon apnormal di e telefòn manera paga su so sin, ku bo a pagé, e pantaya di bo telefòn regularmente ta sende spontaneamente, esaki sin ku bo ta aktivo riba bo telefòn, bo telefòn regularmente ta saka potrèt di bo pantaya “screenshots” spontáneamente sin ku bo a instruí bo telefòn pa hasi esaki, òf bo telefòn ta hasi zonido siendo bo no ta hasiendo uso di bo telefòn.
BO TELEFÒN TA DI ‘HACK’ ÒF TA WÒRDU SPIONÁ?
Kon pa haña sa?