4 BáSIKO PA EVITA SOBREUSO SAPATU
TEP
Sinembargo, Fundashon pa Konsumidó a bin ta tuma nota di un desaroyo ku por tin resultadonan basta grave pa e usuarionan. E último añanan kompanianan ku ta ofresé paketenan di internèt móbil (sea 3G òf 4G+), ta inkluí un límite na data ku kliente por usa pa luna. Si e kliente pasa e límite pa e luna ei, e tin ku paga sobreuso. E kliente ta paga un tarifa pa kada MB ku e surpasá e límite di data di su pakete.
Tin diferente kompania ku ta ofresé paketenan di internèt mobil na e komunidat. UTS i Digicel por ehèmpel ta ofresé paketenan di internèt mobil na su klientenan ku tin un telefòn inteligente. Hopi di paketenan aki ta inkluí un límite di data pa luna ku e usuario por hasi uso di dje.
Kon un persona ku un di e paketenan di internèt mobil ta hasi evitá pa surpasá e límite di data den su plan?
E siguiente tepnan lo yuda bo tene e kantidat di data ku bo ta usa abou i asina evitá sobreuso:
1Na promé lugá ta importante pa evitá aktividatnan online ku ta usa hopi data. Un di e aktividatnan aki ku sigur ta usa muchu mas tantu data ku otro aktividatnan online ta “streaming”. Evitá di wak pelíkula òf programanan di televishon ku bo 3G òf 4G+. Segun e wèpsait Netflix, bo por hasi uso di 2.8 GB na data dor di wak un pelíkula HD pa ora. Awor mayoria persona ku un pakete di internèt mobil lo no wak un pelíkula ku nan telefòn inteligente komo ku e pantaya ta hopi chikí. Ku un lèptòp i tèblet e situashon naturalmente ta otro. Segun e wèpsait di UTS, nan ta ofresé pa tèblet un plan postpago plan ku un límite di data di 6 GB pa luna. Esei ta nifiká ku si bo bai stream un pelíkula HD ku ta dura 3 ora, bo ta pasa bo límite pa e luna ei. Wak video riba YouTube, tambe ta un aktividat ku ta hasi uso di hopi data. Netflix, YouTube i Spotify su aplikashonnan por usa e kantidat di data permití den bo pakete masha lihé. Pues baha man riba e aktividatnan aki ora bo ta hasi uso di bo internèt mobil. Tambe aplikashonnan manera Skype i Viber ta hasi uso di hopi data.
Den e último dékadanan, internèt a bira algu indespensabel pa un parti grandi di nos pueblo. Na trabou nos ta usa internèt pa buska informashon, manda mail i muchu mas. Na kas, parti di dibertishon pa hopi ta pa wak pelíkulanan òf programanan di televishon online. Teknologia a bai asina leu ku tin e opshon di buska internèt móbil di manera ku unda ku nos bai nos tin internèt, sea ta riba nos lèptòp, telefòn inteligente (smartphone) òf tèblet. Hopi di nos ta skohe pa e servisio di 3G òf 4G+ aki komo ku nos ke tin konekshon 24/7 na e ret pa asina keda informá di por ehèmpel nos mail òf komentarionan riba un post riba Facebook.
d