NOTISIA
?
E marka HP no ta deskonosí den e mundu di kòmpiuter i pa konsumidónan rònt mundu. Segun diferente investigashonnan, kòmpiuternan marka HP ta un di e esnan mas konfiabel i duradero. Netamente esaki ta e motibu ku e kompania ta pèrkurá pa ta transparente ku su klientenan.
Papiando di transparensia, ta asina ku e kompania HP a saka un komunikado resientemente kaminda nan ta atvertí konsumidónan rònt mundu di e peligernan ku algun di nan baterianan por okashoná.
Segun nan ta splika, e baterianan aki por keinta asina tantu te ku nan por okashoná un eksploshon. P’esei HP a traha un wèpsait spesial kaminda konsumidónan mes por kontrolá si nan tin e baterianan peligroso aki.
Ta trata aki di e baterianan di e modèlnan: HP ProBook 64x (G2 en G3), HP ProBook 65x (G2 i G3), HP x360 310 G2, HP ENVY m6, HP Pavilion x360, HP 11 Notebookcomputers i HP ZBook (17 G3, 17 G4 i Studio G3).
Esakinan a keda bendí den e temporada di desèmber 2015 pa desèmber 2017 rònt mundu. Tambe nan ta duna di konosé ku e baterianan aki a wòrdu bende apart.
Pues na konsumidónan ku sea nan bateria a daña, òf ku a remplasá nan bateria pa un mihó funshonamentu di nan laptop.
Si konsumidónan rònt mundu tin un di e baterianan aki, nan por subi riba wèpsait di HP i apliká pa un bateria nobo via di e asina yamá “HP Battery Program Validation Utility”. Segun e kompania ta duna di konosé, nan no a risibí masha petishon pa remplaso di bateria.
TEP: HP ta konseha pa uza bo aparato elektróniko na un manera seif, dor di pone esaki karga den ‘Safety Mode’.
HP
ta atvertí
Baterianan ku por okashoná eksploshon