Editorial
Subida di Prima
di Seguro Obligatorio
Direktor
PRÓLOGO
Temporada di karnaval ta den ful swing. Esei ta nifiká un temporada di goso i alegria na Kòrsou. For di festival di tumba, tur jump-in di diferente grupo i organisashon, te na nos marcha grandi i di despedida. Fiesta ta nifiká tambe gastu. Meskos ku den temporada di Pasku e konseho ta keda semper, pa disfrutá responsabelmente i semper warda plaka pa bo gastu i debenan mensual. Laga nos fiesta konsientemente di ku tin un mañan i asina disfrutá segun bo forsa. Ta dushi pa bai tur evento i gosa en grande di nos dushi karnaval. E mester ta algu ku bo por afòrt si. Gosa i disfrutá di un manera responsabel i konsiente.
Tambe e aña aki nos ke pidi atenshon atrobe pa tene kuenta ku nos salú i esun di nos muchanan. Sòru pa muchanan bebe hopi awa, tantu den karnaval i kant’i kaya. Usa protekshon kontra solo i bisti e mucha un brel òf un pèchi. Usa dòpi di orea pa protehá e su oido kontra muzik duru. Evitá di bai ku hopi kos di kome ku ta kontené hopi suku, salu òf vèt. Mihó bai ku fruta i berdura i semper wak pa nan ta bon wardá den un kònteiner ku por tene kos friu, friu i kayente, kayente.
Un otro tepnan balioso ku nos por duna ta pa desayuná bon promé ku sali kas pa karnaval. Esaki ta yudabo wanta e solo i zonido di músika mas mihó. Tene e konsumo di alkohòl tambe den balanse. Hidratá bo kurpa konstante, pèrkurá pa bo tin bo bòter di awa huntu ku bo. Usa protektor kontra solo, sòru pa bo tin un brel, pòtchi òf un bon sombré.
Un aspekto hopi importante ta esun di higiena den e totalidat di nos karnaval. Si rònt di bo ta limpi, lo bo por disfrutá dje ambiente muchu mas mihó. Sòru pa bo tin sufisiente saku di shushi huntu kubo. Bai ku bòter di awa spesialmente pa limpia òf laba kos, espesialmente kaminda tin mucha. Un bon desinfektante pa limpia man tambe ta indispensabel den bo pakete di karnaval.
Ban gosa huntu den harmonia di nos karnaval 2018 den union i komprenshon pa otro. Sali kas ku un bon beis i baila, hari i gosa di karnaval 2018 ku rèspèt i apresio pa bo próhimo.
Felis Karnaval!
Marc Marshall