INTERMEDIO
Vírus ta software ku malechornan ta traha pa hasi aktonan kriminal kuné riba internèt i ku por yega riba nos kòmpiuternan dor di diferente manera, por ehèmpel via meil ora nos baha dokumentonan ku ta kontené e un vírus i esaki ta instalá su mes riba nos kòmpiuternan sin ku nos ta na altura.
Di dos, semper mester tin e delaster vershon di Microsoft Windows òf di Apple iOS òf di otro sistemanan. E instalashon di e delaster vershon di e sistemanan di Windows, iOS, etc. yama un “Upgrade”. Aunke ku mester pèrkurá, sin mas, pa kualkier vershon ku ta operashonal riba e aparato haña tur “updates” ku ta destiná pa e vershon ei. Pues, tur mantenshon ku e bendedó Microsoft òf Apple òf un otro kompania manda pa e aparato, mester keda instalá.
Finalmente, ta importante pa no ignorá e momento ku e aparato indiká ku e tin un “update”, kual e bendedó ta manda pa e aparato. Ta importante pa tur usuario di kòmpiuter, telefòn móbil òf tablet mantené e aparatonan. Mantenshon di esakinan ta pa sòru pa ehekutá tur “upgrade” di e sistemanan, updates di e vírus scanner i tambe updates di tur e appnan (nos appnan tambe ta aplikashon ku mester update) ku nos tin riba e aparatonan.
Si e aparato tin un sistema i tur su aplikashonnan legítimo riba dje e “update” no mester ta un problema. Problema por surgi solamente ora ku tin aplikashonnan, virusscanner etc. ku no ta legítimo.
Pues ban hasi uso di sistemanan i aplikashonnan legítimo pa nos haña tur nos updatenan i asina tene nos aparatonan bou di un mantenshon estrikto. Esaki ta e úniko manera pa evitá ku nos ta bira víktima di e vulnerabilidatnan i atakenan sibernétiko kual nos no tin influensia riba dje.