DEN CHIKÍ
DEN CHIKí
BATATA TA SALUDABEL?
Un artíkulo chikí pero interesante saka for di Consumentenbond.
Pa mantené e kurpa slank i elegante no nesesariamente mester evitá di kome batata. Batata siertamente ta kontené hopi kolhydrato, pero e ta yenabo bon. P’esei mayoria biaha un hende ta kome ménos di dje ku ora e ta kome aros òf pasta.
Un porshon di batata ta kontené ménos kilokaloria ku aros òf pasta, asta ora bo traha batata machiká i agregá un tiki lechi light i/ òf manteka aden.
Banda di esei batata ta kontené vitamina B6 ku ta importante pa un bon funshonamentu di bo sistema imunológiko i e sistema nervioso, vitamina C, ásido fóliko i fibra.
Mi mester paga den temporada di garantia pa laga un mekániko bini?
Mi wasmashin ta hasi un zonido straño. E ta mitar aña bieu i riba e wasmashin tin un garantia di 2 aña. Mi ke laga un mekániko bin wak e, pero e kompania kaminda mi a kumpra e wasmashin ta bisa ku mi mes tin ku paga tur e gastunan. E kos aki ta kuadra?
Kontesta: Si e wasmashin tin un desperfekto, e ora ei konsumidó tin derechi riba reparashon sin kosto, òf un wasmashin nobo (art 21. Consumentenrecht). Si e wasmashin a daña dor ku a uza di forma robes, e ora ei si ta e konsumidó mes tin ku karga e gastunan. Den e temporada di garantia, i sigur den e promé 6 lunanan, e negoshi mester demostrá ku ta konsumidó a usa e wasmashin robes.
Fundashon pa Konsumidó
TA KONTESTÁ