DEN CHIKí
Pa bo kurpa haña vitamina no ta nesesario pa bai over na kome produktonan biológiko.
Hopi hende ku ta kumpra produktonan biológiko, ta duna komo motibu pa kumpra esakinan e echo ku sigun nan produktonan biológiko ta saludabel i ta kontené mas vitamina i mineral. Tambe nan ta bunita, kolonan bibu, tamaño mas grandi etcecetc.
Investigashonnan sientífiko ta duna e persepshonnan aki un toke di bèrdat, pero den mesun rosea ta indiká ku e diferensha den e kontenido vitamíniko ta nada di otro mundu. Algun fruta i berdura biológiko bèrdat ta kontené poko mas vitamina ku sierto otro frutanan di mesun famia, pero esei no ta un motibu pa switch over na bai kome mas biológiko. Djis kome poko mas fruta i berdura tin mesun impakto riba bo kurpa.
Facts: Den produktonan biológiko tin un promedio di solamente 6% mas vitamina C ku produktonan normal.
TA BON PA BO SA!
Denter di poko e paranda di komementu ku amigu-- i famianan pa selebrá temporada di Pasku i fin di aña ta kuminsá. Den hopi kaso ta difísil i fuera di nos man kontrolá kiko i kuantu nos ta ingerí.
Pero den kaso ku nos tin e oportunidat di por bai algu di kome òf si e selebrashon ta na nos mes kas un opshon ekselente ta pa nos prepará platonan dushi pero ku no nesesariamente ta saturá di suku i vèt.
Internèt ta brinda bo kantidat di opshonnan mas saludabel. Bo no tin nodi di keda sin sali. Durante aña nos kurpa a kustumá ku un ritmo di kome, i ta un echo ku den dianan di fiesta kome saludabel ta e delaster kos ku no sa kòrda riba dje. Probablemente nos lo kome di mas sin paga tinu, ku konsekuensha ku despues hopi hende ta na porta di dòkter ku molèster di stoma.
I
TEP PA UN DESÈMBER SALUDABEL
Nos konseho ta pa den e dianan di fiesta ku ta bini, bo malkriá bo mes, pero semper mantené e kontròl i disiplina alimentisio nesesario..