Fibra den fruta
Fruta ta kontené suku natural, ku ta kolhidratonan ku hopi ‘guru di dieta’ ta pretende ku bo no mag kome. Fruta ta kontené sin embargo tambe hopi fibra dietario. Fibra ta un tipo di kolhidrato kompleho ku al kontrario ta ideal pa ora bo ke baha di peso. En realidat fibra ta stabilisa e nivel di suku den bo sanger i ta lagabo sinti bo satisfecho mas largu ora bo kaba di kome. Mas importante ainda fibra ta suprimi e sensashon di hamber i pone ku lo bo kome ménos durante di dia.
Fruta ta riku na vitamina i mineral
Kada sorto di fruta ta kontené un mezkla úniko di mikronutriente. Na promé lugá fruta ta kontené diferente vitamina i mineral esensial pa bo keda salú. Banda di esaki ta riku na fitokímiko. Fitokímiko ta un nòmber koletivo pa miles di sustansianan benefisioso di kua hopi ainda no a keda kategorisá sientifikamente.
T
Tene na kuenta ku djus di fruta
Djus di fruta ta konsistí di mesun vitamina i mineralnan ku fruta fresku. E diferensha ta den djus di fruta apenas tin fibra ya ku esaki ta mas den núkleo, pulpa i e kaska di e fruta. Además bo ta bebe un glas di djus den un rat’i ora i hasi ku e suku di e fruta ta keda apsorbé hopi mas lihé den bo sistema di sanger. Di e forma ei, kasi bo no ta sinti e sensashon saturá ku lo bo sinti si bo kome un fruta fresku. Enfin, djus no ta yena. I riba tur esaki kasi semper èkstra suku ta keda añadí na djus di fruta den fabrika. Pues semper skohe fruta fresku riba kualke djus di fruta.
Fruta & proteína
Manera bisá fruta tin biaha no ta wòrdu komé pasombra e ta kontené un porsentahe haltu di kolhidrato. Loke hopi hende no sa, ta ku sierto tipo di fruta ta kontené un grado haltu di proteína. Espesialmente frutanan manera awakati, bès, banana, mango i stroberi.
FRUTA!
NUTRIENTE KLAVE PA DIETA