Konsumidó Alertá Volumen 36 òktober 2017 | Page 20

Hopi di nos sa bebe djus pa remplasá fruta i hopi mayor ta kere ku djus ta algu saludabel pa duna un yu bebe. Pero apariensia por gaña: den djus tin mes tantu suku ku den kualke limonada. Den un glas di djus di apel tin mas o ménos mes tantu suku ku den un glas di kola ku ta 26 gram di suku (entre 110 pa 115 kilokaloria) loke ta ekivalente na 5 pa 6 klònchi di suku. Den kaso di djus di apel ta trata di suku ku ta aparesé di forma natural den e apel, pero mirando ku bo mester pèrs bastante apel pa yena un glas yen di apel djus, e kantidat di suku outomátikamente ta subi.

Fruta fresku

Ounke e sukunan den djus di fruta ta natural, bo kurpa ta konsiderá nan normal komo suku. Mihó kos ku bo por hasi ta kome fruta fresku ya ku den fruta fresku tin relativamente muchu ménos suku ku den djus di pèrs. Ademas den fruta fresku tin fibra ku ta pone ku bo kurpa ta apsorbé suku hopi ménos lihé. Sigur ku den djus tin vitamina i otro nutriente, pero esaki no ta bal mas tantu ku e efektonan negativo di tur e suku den e djus.

Investigashon

Fundashon pa Konsumidó tin plan pa bai hasi un investigashon riba kalidat di djusnan riba nos merkado i sigur en konekshon ku e kantidat grandi di markanan di djus ku ta keda bendí riba nos isla. Nos tin djusnan ku ta bini for di kasi tur kontinente na mundu, loke por trese diferensia entre kalidat i kontenido a base di e normanan di produkshon di e produkto den diferente pais.

Kuantu suku tin den djus?