Konsumidó Alertá Volumen 35 september 2017 | Page 16

KOMPARÁ I KUMPRA

12 di sèptèmber último e kompania Apple a introdusí e iPhone 8, iPhone 8 Plus i tambe e iPhone X, kual bo ta pronunsiá komo: iPhone Ten. E telefònnan aki ta representá un stap basta grandi pa iPhone, segun e direktor Tim Cook a splika.

E diseño di iPhone 8 i iPhone 8 Plus por lo general a keda meskos ku e iPhone 7 i 7 Plus. Loke si Apple a añadí na e vershonnan nobo ta glasnan muchu mas duradero. E glasnan mas duradero den historia di Smartphone i ku ta resistí awa i stof shen porshento. Tambe e stereo spiker den telefònnan awor ta proveé zonidu muchu mas duru, paso nan a keda reforsá 25% mas potensia.

Pa loke ta trata e skrin di iPhone 8, esaki ta 4.7 inch i di iPhone 8 Plus ta 5.5 inch. Ambos tin un asina yama ‘True Tone Support’ kual ta diseñá pa adaptá temperatura di kolo na momentu di saka potrèt of graba video. Den e dos telefònnan aki Apple a hinka un ‘Six-core A11 Bionic Chip’, kual segun sr. Cook ta e chip di mas sabi i ku un velosidat sumamente lihé. iPhone 8 i 8 Plus ta optenibel na 3 kolo. ‘Silver, Space Gray i Gold Shade’ i ta bini ku sea 64GB òf 256GB di kapasidat.

Paga tinu..!!

“E telefònnan Samsung Galaxy S8 i S8 plus ta modèlnan super bon”. E bosero di Consumentenbond ta duna di konosé. “ Pero konsumidónan mester ta konsiente ku e aparatonan aki ta hopi frágil.” Fundashon pa Konsumidó ta konsehá pa protehá e telefònnan aki bon. Hopi bia un bon ‘cover’ òf ‘case holder’ por ta basta karu. Pero mira esaki komo un invershon ku lo garantisá durashon di bo telefòn.