DEN CHIKÍ
E aña eskolar nobo ta den porta. Un par di siman dushi pero ku por bira di tenshon ku tur e kosnan di hasi ku tin, promé ku skol kuminsá. Buska skol nobo, kompra di unifòrm I artíkulonan di skol por duna nos strès tin biaha. Pa hasi e proseso ei unu tòg poko mas agradabel i efisiente, Fundashon pa Konsumidó a kompilá e siguiente tepnan.
Shòp den siman:
Den siman den mayoria establesimentu ku ta bende artíkulonan pa skol ta ménos drùk. Bo por kana mas trankil i wak i skohe bo yu su kosnan mas trankil.
involukrá bo yu tambe den proseso aki. After all ta e tin di bai usa e artíkulonan aki. Probechá di e chèns aki i hasi e dianan aki boso “Mayor i Yu date”.
Shòp den bo mes kas:
Mayoria di nos ta kai den e eror di pensa ku nos yu mester ta “lik lik” bisti i bon estrená pa a aña eskolar nobo, algu ku sigur lo kosta nos di spar algun florin si nos no disidí di ta poko mas kuidadoso ku nos florin. Dikon no shòp den nos mes kas? Tira un bista rònt di bo, chek den e yu su kamber, bo propio lèsenar i wak kiko bo por bolbe usa di nobo. Lo bo keda asombrá kuantu kos artíkulo tin ku por bolbe bai un aña mas. Saka bo sòm kuantu sèn bo por spar ora bo “konosé bo kas” mas mihó.
Konsulta bo yu su lista di
skol:Un dje ideanan ku
mas nos ta aploudí ta e
lista ku skolnan ta
duna nan alumnonan
di moda ku na ta kumpra
dirigí i únikamente e produktonan ku di bèrdat ta nesesario. Ku e lista aki bo ta kumpra loko e yu mester i b no ta kai (fásil) den tentashon di tur e “Back to School Specials” ku hopi establesimentu ta ofresé.
Skohe un bon tas:
Invertí den un tas ku ta fuerte, efisiente i duradero di moda ku e yu por bai mas aña ku esaki. No djis wak stail pero konfortabilidat i durabilidat tambe ta mesun importante. Talbes e por ta un poko mas karu, pero si e yu por bai mas aña kuné, ta ganashi so bo por tin.
Fundashon pa Konsumidó ta deseá tur mayor-, alumno- i maestronan un aña eskolar 2017/2018 fruktífero i eksitoso
Algun tep speshal pa e mayornan ku ainda no a kumpra Bo no a kumpra artíkulonan eskolar pa bo yu?
Ainda bo no a kumpra artíkulonan eskolar pa bo yu?