1. Tumeric tin komponente anti-inflamatorio natural.
Inflamashon ta sumamente importante. Inflamashon ta yuda e kurpa pa bringa kosnan straño ku ta ataká e kurpa y tambe inflamashon tin un ròl den repara dañonan den nos kurpa. Sin inflamashon patógenónan manera bakteria fasilmente lo tuma kòntròl di nos kurpa y lo mata nos. Inflamashon agúdo y di tempu kòrtiku ta benefisioso, pero ora e bira un problema kronikó y largu e ta kuminsa afektá e tehidonan di nos kurpa. Tumeric tin un efekto anti-inflamatorio natural asina fuerte ku e ta hasi mesun trabou ku remedinan kontra inflamashon solamente sin efektonan sekundario pa nos salú.
2. Tumeric ta oumenta e kapasidat anti-oksidante di e kurpa.
Tin un kerensia ku oksidashon ta un di e mekanísmonan ku ta afektá e biramente bieu y biramentu malu. E ta envolví radikalnan liber ku ta afektá e kurpa negativamente. E rason prinsipal ku anti-oksidante ta asina benefisioso, ta ku e ta protehé nos kurpa di radikalnan liber. Tumeric ta un anti-oksidante potente ku ta neutralisá e radikalnan liber dor di su struktura kímiko i ta stimula e kurpa su enzima di anti-oksidante. Tumeric tin efektonan di anti-oksidante poderoso.
3.Tumeric ta hiba na varios mehoria ku ta baha e riesgo di malesa di kurason.
Malesa di kurason ta e asesíno mas grandi na mundu. El a wòrdu studiá pa hopi añanan y sientífikonan a siña hopi dikon e ta pasa. A sali na kla ku malesa na kurason ta hopi kompliká y tin varios kosnan ku ta kontribuí na malesa di kurason. Loke curcuma ta hasi ta ku e ta mehorá diferente stapnan den e proseso di malesa di kurason. E benefisio mas grandi den malesa di kurason ta ku e ta mehorá e rant di e bénanan di sanger ku ta mehorá e preshon di sanger y e ta evitá ku e sanger ta bira diki.
4. Pashènt nan ku artrítis ta rospondé hopi bon na suplemento di turmeric.
Artrítis ta un malesa hopi konosí. Tin diferente tipo di artrítis, pero tur tin di hasi ku inflamashon di e jointsnan. Siendo ku e curcuma ta un potente anti-inflamatorio, e ta hasi hopi sentido ku e ta yuda ku artritis. Diferente estudio a proba esei. Den algun estudionan e uso di curcuma tabatin mas efekto positivo ku e uso di droganan kontra inflamashon.
5. Ta yuda kontrolá Depreshon.
Nan a hasi un estudio ku un grupo di pashènt ku tabata sufri di depreshon. Nan a parti e pashèntnan den tres grupo. Un grupo a haña e remedi Prozac, e di dos grupo a haña un gram di tumeric y e ultimo grupo a usa Prozac i tumeric.
Despues di 6 siman esnan ku a usa tumeric i esnan ku a usa Prozac tabatin mesun mehoria. E grupo ku a usa tur dos tabatin e mehor resultadonan.
Depreshon ta relashoná ku un baháda den e nivel di e faktor di neurotrophici y e “hippocampus ta krem, esaki ta un area den e selebro ku ta afektá e siñamentu y memoria. E turmeric ta yuda trese balansa den e prosesonan ku ta tuma luga den e mente y asina ta yuda evita depreshon.
Kortesia di: Sanatura Curaçao
Vivian Allee
(+5999)671-3175
i su benefisionan
Tumeric ta un raís kolo hel. Tumeric hopi biaha ta wòrdu usa pa duna koló na mosterd, manteka y keshi. E raís di tumeric ta wòrdu usa tambe pa traha remedi. E ta kontené un kímiko kolo hel ku ta konosí bou di e nòmber curcuma. Tumeric ta kontené un komponente bioaktivo ku tin propiedatnan medisinal poderoso.
Curcuma ta e ingrediente mas aktivo di tumeric. E tin eféktonan anti-inflamatorio y ta un anti-oksidante hopi fuerte. Tumeric tambe ta apsorvé vèt hopi lihé. P’esei ta bon pa usa tumeric si bo ta bai kome un kuminda ku tin hopi vèt aden.
MANGO!
e fruta ku efektonan saludabel i ku ta kontra arestá embeyesimentu
Mango ta un fruta ku prinsipalmente ta wòrdu sembrá na Asia i otro paisnan tropikal. Mango no solamente ta smak dushi pero ta masha nutritivo i saludabel. Ta p’esei mango ta konosí komo un “super food”. Aki algun informashon di e bentahanan di e fruta aki.
Mango ta yuda e sistema inmune di bo kurpa
E ta kontené gran kantidat di ‘betacaroteen’, kual ta un pro vitamina ku na momentu ku e drenta bo kurpa e ta wòrdu konbertí de vitamina A. Kiko ta Vitamina A? Esaki ta un antioxidante ku ta protehá e kurpa kontra di stof nan agresivo, ku ta daña nos wesunan di kurpa. Di e manera aki e ta protehá nos kontra di tur enfermedat.
Mango ta yuda den tratamentu di sanger abou
Un otro bentaha signifikante di mango ta ku e ta yuda den tratamentu di malesanan defisiente manera anemia. Mango ta kontené gran kantidat di heru kual ta yuda kontra di sanger abou.
evitá embeyesimentu.
Mango ta kontené tambe gran kantidat di vitamina C. Vitamina C su ròl prinsipal ta e produkshon di ‘collageen’ den en kurpa. Esaki ta yuda pa kontené e ardu saludabel den e kurpa, kual ta baha e proseso di embeyesimentu di bo kueru.
Mango ta baha preshon
Mango ta yuda baha preshon. Nan ta kontené magnesium i potasio, mineralnan ku ta yuda baha e preshon. Ta p’esei ta personanan ku ta sufri di preshon haltu ta wòrdu rekomendá pa kome e fruta aki.
E fruta aki no solamente ta kita bo hamber sin mester di usa vètnan èkstra òf bòmnan di kaloria na bo dieta, pero danki na tur e ingredientenan benigno e mango ta yuda bo bira mas saludabel tambe.