Efektonan negativo ku muchanan tin dor di kome dilanti televishon
Muchanan ta esnan ku mas ta wòrdu perhudiká ku e mal kustumber aki. Promé kousa ta sobrepeso, segun un studio ku a wòrdu hasi resientemente na Estádos Unídos. Muchanan tin mas tendensia di kome vèt I suku, pues kaloria, I dor ku nan ta pone mas atenshon na e televishon nan no ta konsiente ki ora nan a yena. E aktividat aki ta kontribuí na malesanan relashoná ku peso I tambe na e kambio den kustumbernan di famia.
Muchanan ta pasa mas o ménos 2 ora pa dia dilanti televishon. Den e ratu ei nan ta “probechá” desayuná, kome mèrdia I atardi. Den e ratu ei nan tin e tendensia di kome mas chips, kuki, mangel, limonada I “junk food”. Esaki sin duda ta hiba na sobre peso I malesanan manera kolesteròl I hasta malesa di suku (diabétis).
Segun outor di un di e investigashonnan, sra Leann Birch di universidat di Pennsylvania, e problema no ta e echo ku nan ta wak televishon si no mas bien ku na e momentu ei muchanan I tambe adultonan ta kome sin pone atenshon na e kantidat ni e sabor. Na lugá di kome “junk food” ta mihó pa kome un apel, un wòrtel, popcorn sin manteka, djus fresku I natural. I mas ainda hasi ehersisio I prinsipalmente na airu liber.
Efektonan sekundario di kome I wak televishon pa kualke edat
Probablemente bo a yega di wak bo programa preferá miéntras bo ta kome. Esaki no ta rekomendabel. Segun dòkternan, esakinan ta dos aktividat ku no ta kompatibel. Ademas di loke nos a indiká promé serka muchanan, adultonan tambe ta sufri hopi ku e problema aki. Wak televishon ta afektá/ stroba e sensashon di yen, dor ku e mente ta enfoká riba otro kos esta e programa ku ta pasando.
Ora nos ta wak televishon nos tin un aktitut relahá, esaki ta alehá nos for di problemanan( sino no ta wak notisia), nos ta drenta den un mundu fiktisio. Pa e motibu ei nos ta kome sin ripara mes. I pa kustumber ora nos ta wak televishon nos ta ches I mayoria biaha ta produktonan ku hopi vèt manera a wòrdu bisa mas ariba kaba.
Importante pa nos tene na kuenta ku nos ta manda kuminda boka den un forma outomátiko, esaki ta loke por hasi ku nos ta subi di peso, banda di esaki duna nos tambe doló di stoma. Tur esaki ta bira mas grave dor ku e propagandanan di kuminda ta stimulá nos pa kome mas, pues haña mas gana di kome, pa kolmo hopi biaha no ta kumindanan saludabel. Hendenan ku ta wak televishon hopi ta presonan ku por lo general ta koma hopi malu I ademas nan ta sinta so sin hasi niun ehersisio.
Nos mester kambia e mal kustumber ku ora nos ta bai wak televishon bai ku algu di kome. Tambe lo ta bon pa baha e kantidat di ora di wak televishon. Kome den kushina òf sòru pa e loke ta kompaña bo ora bo ta kome no ta e televishon. No tin nada mas mihó ku kombersá den famia, I pasa tempu ku e yunan.
PELIGERNAN DI KOME DILANTI TV
ta muchu mas ku un “Fashion Statement”
Temporada di fakansi nos tin sigur ku hopi mucha a kometé e infrakshon aki, esta sinta wak televishon i kome na mes momento. Ora nos ta wak televishon I kome nos no ta pone atenshon na kuantu nos ta komiendo ku e riesgo ku nos lo por kome di mas. Den mayoria kas, e televishon ta pone den komedor, dilanti di e mesa kaminda e famia ta sinta kome. Tambe ta un kustumber ku adultonan ta kome tras di nan kòmpiuter pa nan no pèrdè tempu I por siguí traha. E dos kustumbernan malu aki ta hopi komun den komunidat I ta trese hopi konsekuensianan malu kuné. E konsekuensianan aki nos por lesa mas abou den e artíkulo aki.