KOMPARÁ I KUMPRA
Tin diferente tipo di kòmprèser di erko, tin kòmprèser C, B, A i A+. Wak na e etikèt ku tin pegá na e èrko ki tipo di kòmprèser e erko tin. Si e etikèt no ta pegá na e èrko informá serka e bendedó.
Laga un persona sertifiká pa e establesimentu kaminda bo a kumpra e èrko instal’é. Hopi biaha esaki ta un eksigensia pa e establesimentu para garantia si algu bai robes.
Usa brèker di erko ku ta kuadra ku nos klima. Un bon material ta: Polyester Powder Coating.
No pega un èrko te den huki di muraya, esaki ta opstakulisá distribushon di airu.
No pone spòtlait banda di erko paden. Esaki ta pone ku e motor pafó mester ranka muchu duru pa e lugá keda friu.
Motornan, kòmprèser i fèn di erko ta traha riba un frekuensia di 60HZ. Evitá pa e èrko funshoná riba otro frekuensia, pasobra esaki por laga e èrko keinta i funshoná hopi slou i te asta kima e èrko.
Limpia filter di bo èrko regularmente.
Hasi servisio di mantenshon na bo èrko mínimo 2 pa 3 biaha pa aña.
Midi gas di èrko regularmente. Si e nivel di gas ta muchu abou e èrko no ta funshoná efisiente. Esaki ta pone ku e èrko ta gasta hopi koriente.
Temperatura di èrko mester ta 5 grado ménos ku e temperatura pafó. Na Kòrsou ta ideal pa pone èrko entre 22 pa 24 grado. Mas friu no ta salú; i ta gasta hopi koriente.
Tene porta i bentana di e espasio kaminda e erko ta será. Sòru pa e espasio ta bon seyá pa friu no sali pafó i kayente no drenta paden. Esaki lo pone ku e èrko mester traha muchu duru.
Glasnan di porta i bentana mester ta diki, òf mester tin bon kortina parti paden.
No usa fèn di dak den espasio kaminda tin èrko, esaki ta hasi e proseso di distribushon di friu den e espasio difikultoso.
TEP BALIOSO!