INTERMEDIO
Di 11 bai ariba
Asina adolesensia dal aden, muchanan ta haña mas nesesidat di nan privasidat. Poko poko bo ta laga nan mas lòs. Keda papia ku bo yu ta e manera mas efektivo pa tin kòntròl. Asina e mucha mes lo ta mas i mas kapas di tuma su propio desishonnan. Protehá bo yu ainda kontra pornografia, pero komprondé ku nan ta en buska di informashon tokante seksualidat.
TEPNAN
Sea konsiente ku muchanan ta deskubrí kada dia wèpsait- i appnan nobo. Trata di keda na altura di unda nan ta frekuentá riba internèt. Kada medio sosial ta un posibel lugá di enkuentro. Sea ta Facebook, Instagram, Snapchat Twitter òf kualke otro, tur ta kaminda bo yu por drenta en kontakto ku hende straño i pues tambe ku adulto ku mal intenshon. Mayoria app no ta permití mucha bou di 13 òf 16 aña. Pues no ta normal pa un ménos di edat bou di 13 aña ta eiriba. Papia ku bo yu di esaki..
Hasi uso di e medionan sosial ku bo yu ta usa pa tene kontakto kuné, pero no eksaherá.
Sorprendé bo yu ratu ratu dor di mand’é algu
via app òf Snapchat. Asina bo tambe ta
kustumbrá ku e aplikashon i bo tin mihó mira di
kon e ta aktua onlain.
Puntra bo yu regularmente si e ke mustra bo
algu interesante pe riba internèt. Kisas por ta
un app nobo, un klep f pelíkula ku el a gusta
òf un wega nobo ku a sali. Reakshoná ku
entusiasmo i hasi pregunta ku ta enkurashá
bo yu pa konta mas di su mes.
Papia ku otro mayornan tokante loke
boso yunan ta hasi riba internèt. Asina
bo ta haña informashon di mas ku un
ángulo. Na porta di skol òf aktividatnan
di deporte ta kamindanan ku bo por start kombersashonnan asin’aki.
PROTEHA
BO YU!