Konsumidó Alertá Volumen 33, yuni/yuli 2017 | Page 20

1. Tumeric tin komponente anti-inflamatorio natural.

Inflamashon ta sumamente importante. Inflamashon ta yuda e kurpa pa bringa kosnan straño ku ta ataká e kurpa y tambe inflamashon tin un ròl den repara dañonan den nos kurpa. Sin inflamashon patógenónan manera bakteria fasilmente lo tuma kòntròl di nos kurpa y lo mata nos. Inflamashon agúdo y di tempu kòrtiku ta benefisioso, pero ora e bira un problema kronikó y largu e ta kuminsa afektá e tehidonan di nos kurpa. Tumeric tin un efekto anti-inflamatorio natural asina fuerte ku e ta hasi mesun trabou ku remedinan kontra inflamashon solamente sin efektonan sekundario pa nos salú.

2. Tumeric ta oumenta e kapasidat anti-oksidante di e kurpa.

Tin un kerensia ku oksidashon ta un di e mekanísmonan ku ta afektá e biramente bieu y biramentu malu. E ta envolví radikalnan liber ku ta afektá e kurpa negativamente. E rason prinsipal ku anti-oksidante ta asina benefisioso, ta ku e ta protehé nos kurpa di radikalnan liber. Tumeric ta un anti-oksidante potente ku ta neutralisá e radikalnan liber dor di su struktura kímiko i ta stimula e kurpa su enzima di anti-oksidante. Tumeric tin efektonan di anti-oksidante poderoso.

3.Tumeric ta hiba na varios mehoria ku ta baha e riesgo di malesa di kurason.

Malesa di kurason ta e asesíno mas grandi na mundu. El a wòrdu studiá pa hopi añanan y sientífikonan a siña hopi dikon e ta pasa. A sali na kla ku malesa na kurason ta hopi kompliká y tin varios kosnan ku ta kontribuí na malesa di kurason. Loke curcuma ta hasi ta ku e ta mehorá diferente stapnan den e proseso di malesa di kurason. E benefisio mas grandi den malesa di kurason ta ku e ta mehorá e rant di e bénanan di sanger ku ta mehorá e preshon di sanger y e ta evitá ku e sanger ta bira diki.

4. Pashènt nan ku artrítis ta rospondé hopi bon na suplemento di turmeric.

Artrítis ta un malesa hopi konosí. Tin diferente tipo di artrítis, pero tur tin di hasi ku inflamashon di e jointsnan. Siendo ku e curcuma ta un potente anti-inflamatorio, e ta hasi hopi sentido ku e ta yuda ku artritis. Diferente estudio a proba esei. Den algun estudionan e uso di curcuma tabatin mas efekto positivo ku e uso di droganan kontra inflamashon.

5. Ta yuda kontrolá Depreshon.

Nan a hasi un estudio ku un grupo di pashènt ku tabata sufri di depreshon. Nan a parti e pashèntnan den tres grupo. Un grupo a haña e remedi Prozac, e di dos grupo a haña un gram di tumeric y e ultimo grupo a usa Prozac i tumeric.

Despues di 6 siman esnan ku a usa tumeric i esnan ku a usa Prozac tabatin mesun mehoria. E grupo ku a usa tur dos tabatin e mehor resultadonan.

Depreshon ta relashoná ku un baháda den e nivel di e faktor di neurotrophici y e “hippocampus ta krem, esaki ta un area den e selebro ku ta afektá e siñamentu y memoria. E turmeric ta yuda trese balansa den e prosesonan ku ta tuma luga den e mente y asina ta yuda evita depreshon.

Kortesia di: Sanatura Curaçao

Vivian Allee

(+5999)671-3175

i su benefisionan

Tumeric ta un raís kolo hel. Tumeric hopi biaha ta wòrdu usa pa duna koló na mosterd, manteka y keshi. E raís di tumeric ta wòrdu usa tambe pa traha remedi. E ta kontené un kímiko kolo hel ku ta konosí bou di e nòmber curcuma. Tumeric ta kontené un komponente bioaktivo ku tin propiedatnan medisinal poderoso.

Curcuma ta e ingrediente mas aktivo di tumeric. E tin eféktonan anti-inflamatorio y ta un anti-oksidante hopi fuerte. Tumeric tambe ta apsorvé vèt hopi lihé. P’esei ta bon pa usa tumeric si bo ta bai kome un kuminda ku tin hopi vèt aden.

Samsung ta un di e markanan di telefòn mas popular na mundu. Bo por bisa ku e ta e konkurensia mas grandi di Apple. Tur aña Samsung ta saka diferente modèl di telefòn riba merkado i aña 2017 no ta un eksepshon.

Teknologia ta keda avansá i Samsung tambe ta keda inová. Apesar ku bo por rekonosé elementonan di inovashon den kada un di e modèlnan, mester bisa ku mayoria di e modèlnan di Samsung ta konsistí di komponentenan similar na modèlnan anterior. Algu ku sigur ta laga di deseá ta e update di sòftwèr.

E modèlnan nobo di Samsung tin un variedat grandi di app- i servisionan di entre otro Samsung i Google. Loke si ta bon pa menshoná ta ku e vershon di Android ta antikuá i e updatenan di seguridat ta kana atras. Mayoria bia usuarionan di Android tin ku warda basta, promé ku por download un vershon nobo di un aplikashon. òf tin bia, komo usuario di Android bo no por download un aplikashon mes. Esaki sigur ta di lamentá, mirando ku otro markanan e.o. Apple si ta prestando bon riba e aria aki.

Pues, si bo ta bai kumpra un telefòn, ta rekomendabel pa hasi un análisis promé ku bo kumpra esaki. Ta sumamente importante pa bo sa ki vershon di Android e telefòn ku bo ta bai kumpra tin. Tuma informashon serka e bendedó promé. Anto si bo ta duda? Kòrda ku Google ta bo mihó amigu. Hasi bo ‘research’ pa bo ta bon ekipá ku informashonnan di bo posibel telefòn nobo.

Update di Sòftwèr so ta kai

chikí