KOMPARÁ I KUMPRA
Samsung Galaxy S8 i S8 plus ta e lastu vershon di telefòn di e marka Samsung. Esaki ta un di e modèlnan mas avansá ku e kompania a produsí. Konsumidónan, prinsipalmente e uzadónan di ‘Android’ ta sumamente satisfecho ku e produktonan aki.
Apesar di e akohida ku e dos modèlnan aki a risibí, ta bon pa menshoná ku nan ta muchu mas sensibel ku e modèlnan anterior. Un kaida por resultá komo destrukshon inmediato di bo pantaya. Esei ta loke investigashonnan hasí pa Consumentenbond ta duna di konosé.
E investigashon aki a keda ehekutá huntu ku algun organisashon mas, establesé na Oropa. Pa medio di e asina yamá ‘valtrommel’, kual ta un mashin ku ta keda drai. Ámbos telefòn a keda introdusí den e mashin aki i despues di 25 rònchi, tur dos modèl tabata kibrá. A hasi e mesun investigashon aki ku iPhone 7, Huawei P9 i e Galaxy S7. Despues di e 25 rònchinan, e telefònnan aki tabata den basta bon estado kompará ku e modèlnan nobo di Samsung.
Paga tinu..!!
“E telefònnan Samsung Galaxy S8 i S8 plus ta modèlnan super bon”. E bosero di Consumentenbond ta duna di konosé. “ Pero konsumidónan mester ta konsiente ku e aparatonan aki ta hopi frágil.” Fundashon pa Konsumidó ta konsehá pa protehá e telefònnan aki bon. Hopi bia un bon ‘cover’ òf ‘case holder’ por ta basta karu. Pero mira esaki komo un invershon ku lo garantisá durashon di bo telefòn.
ATV & BUGGY TOURS
3.
Konosé bo isla durante tour di ‘buggy’ of ‘quad’ no ta usual. Netamente esei ta hasi e aktividat aki asina interesante. ATV & Buggy Tours ta ofresé bo e oportunidat pa eksplorá e bunitesa di nos dushi isla. Imaginábo, abo i bo grupo di amigunan den un tour riba ‘quad’, koriendo den mondi i lodo, anto alabes kreando momentunan ku boso lo no lubidá hamas. Master no?
INTERPARK
4.
Un atrakshon ku sigur lo hala hopi atenshon den e fakansi aki ta interpark. Esaki lo ta e parke di mas grandi i mas moderno ku nos isla a konosé. Interpark ta bini ku aproksimadamente 25 aparato, repartí den aparatonan infantil, pa tiner i pa esnan mas grandi tambe lo tin poko atrakshon espektakular. Entre esakinan i komo un di esnan mas elektrisante ta figurá un aparato ku ta hiba bo 50 meter di altura for di nivel di suela. Un anochi na interpark sigur lo trese dibertishon pa abo i bo famia.