BO SALÚ
Pues, esaki ta dependé di e
manera ku abo ta reakshoná
riba strès i preshon di logro diario di bo
metanan. Por ta un simpel palabra di danki
pa esfuerso hasí òf djis un man riba bo skouder pa
un bon trabou por hasi milager i por duná bo e kurashi pa sigui.
Pa otro persona, si e tin un hende djis pa skuch’é sin mester solushoná
òf evaluá nada di loke e bisa, esei mes por yud’é. Papia positivo ku bo mes, tin un
sistema di lenguahe speshal ku ta komuniká direktamente ku bo serebro i no solamente ku bo mente konsiente, sino tambe riba un nivel neurológiko mas profundo. Esaki ta yuda bo mira, tende i sinti opshon i eskohonan nobo, manteniendo bo riba e kaminda ku bo ke skohe pa
sigui. Bo ta riba e kaminda di transishon; e transishon di kaminda bo ta awor pa kaminda bo
ke ta. Bo mente tin e kapasidat di duná bo loke bo ke, si bo dun’é e impulsonan pa hasi esaki.
Tur suseso positivo ta duná bo mas kurashi den bo siñansa. Kòrda ku hopi biaha éksito ta
bini den formanan ku bo no ta spera.
Keda Wak pa dilanti riba bo éksitonan ku un kombinashon di antisipashon positivo i intenshon poderoso.