BO SALÚ
Algun teps pa kuida bo salú i bo wowonan na mes momentu
Aunke ainda no tin “feks” ideal pa stòp òf minimalisá uso di e “lus blou” den e aparatonan di lesanan aki, i di otro banda no tin speransa tampoko ku hende lo stòp di usa e dispositivonan aki pa lesa anochi, tin si algun paso si ku nos kada un por tuma pa limitá e efektonan negativo ku por tin, ora nos ta lesa anochi.
1.Stop di lesa maske ta 2 ora promé ku bai drumi
Estudionan ta mustra ku un kurpa humano ta kuminsá produsí melatonin mas o menos 2 promé ku su ora normal di drumi. Pues, no tin nesesidat di hui di bo e-book òf I-pad djis paso ta birando skur. Pa splika mihó, si bo ora di drumi normal ta 11or di anochi, bo kurpa no ta kuminsá produsí melatonin promé ku 9or di anochi.
2. Uso un E-book òf I-pad ku pantaya chikí
Si bo ta un persona ku mester traha anochi, por ehèmpel kontestando bo mensahenan elektroniko, for di bo kama, te rekomendabel pa bo usa un aparato ku un pantaya di 6 pa 10 inch. Den un kaso asin’aki, mas lus blou ta ideal pa suprimí produkshon di melatonin, konsekuentemente bo no ta haña e “neiging” di bai soño.
Importante ta pa bo pone e aparato den un posishon stratégiko, pa e rayonan no tira muchu riba bo wowonan, di moda ku ora bo ta kla pa bai drumi, e no ta tumabo e promedio di 1,5 ora èkstra promé bo pega soño
3. Redusí e “Brightness” di bo aparato
Mas kla bo pantaya, mas lus e ta emití, ménos melatonin e ta produsí, mas bo ta tardi pa pega soño.
4. Ban bek na lesa for di papel
Ban bèk na lesa buki òf por usa tambe e modelo original di Kindle, kual no tabata emití (muchu) lus. Kòrda wak si ki tipo di pera di lus bo ta usa ku bo lampi tradishonal pa bo no hañabo ku mesun problema.