AWAKATI
Dikon awakati tin hopi benefisio?
Awakati i Alzheimer
E hecho ku awakati ta kontené un grado haltu di vitamina E, ta hasié un di e frutanan antioksidante natural mas importante. Awakati ta neutralisá tambe stòfnan agresivo den nos kurpa i komo e tin hopi proteina e ta yuda den protekshon di nos sèlnan i hasta por ta un bon aliado pa retrasá progreso di kualke malesa. Awakati ta kontené vitaminanan B ku ta yuda nos sèlnan i tehido desaroyá. I foliumzuur (vitamina B 11) tambe ta esensial pa e malesa di Alzheimer.
Awakati i kolesteròl
E grado di vèt no saturá den awakati ta hasié un fruta rekomendabel pa regulá kolesteròl i tambe evitá ku e kolesteròlnan malu ta poderá di esnan bon. E kontenido di Omega 3 ku awakati ta kontené ta hasié un alimentu perfekto pa kuida bo serebro, kurason i bista.
Awakati i kanser
Aunke ku estudionan ta sigui avansá i ainda no por a bini un afirmashon definitivo tokante esaki, e poder di awakati a keda probá den kombatimentu di malesanan kardiovaskular i malesanan degenerativo, dor di e grado haltu di vitamina A, C, D, E, plùs K i B-6 i B-12. Tur esaki ta stimulando i aselerando awendia mas estudio i investigashon riba e kalidat medisinal di awakati kontra di sèlnan kanseroso.
Awakati i dieta
Komo ku e awakati ta un fuente di vèt di kalidat e por wòrdu usa prinsipalmente pa remplasá den nos dieta e vèt nan no-saludabel manera manteka ,margarina òf sousnan manera mayonaise. Dikon awakati ta wòrdu usa pa baha di peso? Pa su grado haltu di vèt no saturá ku ta stimulá bo metabolismo. Pero tene kuenta si ku nos no por kome awakati ki ora ku nos ke i kuantu ku nos ke, spesialmente ora nos ta ku diet pa pèrdè peso.
Awakati i embaraso
E grado di vitamina E ta hopi importante den lunanan di embaraso, paso vètnan saludabel ta promové kresementu i desaroyo di kurason i serebro. Ta rekomendabel pa kome e awakati den bo kuminda di mèrdia òf mei mei di kada kuminda. Bo ta keda satisfecho i e ta enrikesé bo kurpa i e baby.
TÈKNIKA ADEKUÁ PA SKEIRU DJENTE
Pa bo logra djentenan limpi bo mester skeiru por lo ménos dos minüt i tambe mester usa e moveshon adekuá. Esaki hopi bahia no ta sosodé. Estudio a demonstrá ku mayoria di hende ta skeiru nan djente pa un promedio di solamente 46 sekònde i no ta usa e moveshonnan adekuá. Konsekuentemente bo karni di djente no ta keda salú, i ku hasta bo por hañabo ku sangramentu na bo dentadura na momentu di skeiru bo djentenan.
Téknika adekuá: pone kabes di skeiru di djente skùin kaminda e karni di djente ta kaba. Skeiru promé e parti paden, despues e parti pafó di djentenan abou i sigui ku e parti ariba di e djente. Hasi mesun kos ku e djentenan ariba tambe. No ta importá ku kua parti bo kuminsá promé. Importante ta pa bo tene e sekuensia i semper kuminsá skeiru djente parti patras, ya bo no ta lubidá riba nan.
Uso di un skeiru di djente eléktriko tambe ta yuda hasi e moveshonnan adekuá. Bo skeiru eléktriko ta hasi e moveshonnan segun bo kareda di djente asina e ta limpia tambe mei mei di bo djentenan.
OTRO PRODUKTONAN DI HIGIENA PA BOKA
Banda di e skeiru di djente i e skeiru di djente eléktriko tin diferente mas produkto riba merkado ku por yuda purifiká bo boka, manera por ehèmpel: hilu dental, palitu di djente, awa pa laba boka, waterjet ,ragers òf flossdraad. Pidi bo dentista òf higienista di boko konseho adekuá tokante e nesesidat di uso di kada un di e produktonan aki.
E benefisionan di
DJENTE
Awakati ta un fruta riku na vitamina E, ku ta kolaborá bon na nos salu. Ta eksistí mas di 500 diferente sorto di awakati i tur a demostrá benefisionan hopi importante pa nos salu. Awakati ta fuente importante di vèt saludabel. E fruta aki tambe ta rekomendabel pa yuda kontrolá bo peso i tambe e ta bon pa kombatí diabétis i problemanan kardiovaskular.
Kome awakati ta ofresé diferente bentaha pa bo kurpa, pero tambe pa bo salú. Awakati ta un bon aliado pa bo kueru, kabei, pèrdèmentu di peso i tambe e ta bon pa bo baby. durante embaraso.