Den porta di un aña nobo aki, Fundashon pa Konsumidó ta kere ta e momentu ideal pa sinta i prepará e lista aki ku kambionan importante ku nos ke realisá. Aki ta sigui algun resolushonnan pa e aña nobo ku nos nos sa ku lo ta riba hopi di nos su lista di deseo pa 2017:
1. Drecha nos kondishon físiko
Pèrdè peso ta un di e promé resolushonnan pa e hopi hende, den kombinashon ku hasi mas ehersisio, ta fet i saludabel. Fásil ta pa kuminsá ku un programa di ehersisio i dieta, e triki ta pa haña unu bon ku ta duna resultado i ku ta posibel pa mantené pa tempu largu.
2. Kuminsá kome mas salu i ménos
Esaki aki ta un ekstenshon di punto number un. Kambia pa un dieta mas saludabel por resultá di ta mas difísil ku nos ta pensa. Nos ta rondoná di junk food. Apesar di esei un bon dósis di determinashon i algun tep básiko, por yuda bo desaroyá un kustumber di kome salú. Siña kontrolá komementu emoshonal, ta konsiente dikon bo por faya ku bo un dieta ta faya, hasi uso di e trikinan ku bo por haña onlain i tambe via kantidat grandi di resetanan saludabel.
3. Redusí stress
Ekspertonan ta bisa ku stress ta un di e asesinonan mas grandi, i e por tin un efekto destruktivo riba bo relashonnan I tambe bo salú. Stress ta un efekto sekundario di nos bida moderno pero nos por maneh’é efektivamente ku ayudo. Si bo ta sinti bo mester di yudansa, buska esaki.
Kada aña nos ta bisa laga nos ban hasi esaki òf ban stòp di hasi esaya. Pero hopi biaha nos plannan ta kai na awa den yanüari mes. Talbes pa falta di konsistensia, boluntat òf djis un tiki push. E aña nobo poko poko pero sigur ta yegando, I ku e dianan di fiesta ya hopi serka, hopi hende ta kuminsá wak bek i evaluá algun dje desishonnan di bida. Awèl e lista di “Resolushonnan pa aña nobo” ta un bon oportunidat pa tur ku a faya, kuminsá di nobo, hasi kambionan, pone metanan nobo ku e ke mira realisá, otro siman, otro luna òf segun e aña
ta desaroyá.