BENEFISIONAN DI UN DIETA VEGETARIANO
Sientífikonan a kalkulá ku 70 porshento di tur malesa, inkluso un tersera parti di tur tipo di kanser, ta direktamente relashoná ku nos forma di kome.
Un dieta vegetariano ta redusí e riesgo di malesanan króniko manera sobrepeso, problema di kurason, preshon haltu, diabétis i sierto tiponan di kanser manera kanser di tripa, pechu, prostat, stoma i pulmon.
Ta sumamente importante pa siña kon pa balansá un dieta vegetariano pa asina nos kurpa por haña tur e vitamina i mineralnan ku nos tin mester. Den fruta, berdura, granonan i bonchinan tin tur loke ku nos kurpa tin mester pa por keda saludabel i/òf kombatí malesanan ku por presentá.
Laga nos wak algun benefisionan di un dieta vegetariano bon balansá.
- E ta yuda kontrolá bo peso
- E ta desaroyá wesunan fuerte
- Síntomanan di menopousa por bira mas suave
- E ta oumentá bo energia
- Ta yuda evitá konstipashon (será di kurpa)
- Bo ta gasta ménos sèn na kuminda
Kortesia di: Sanatura Curaçao
Vivian Allee
(Telefòn: 671-3175)