BO SALÚ
Tur hende sa ku berdura ta bon pa salú. Hopi mayor honestamente ta hasi nan máksimo esfuerso pa nan tin sigur ku nan yunan ta kome berdura tur dia – tin biaha ku poko éksito. En bista di e reto grandi, aki, konstantemente mayornan ta buska kon pa logra ku e muchanan ta kome mas berdura.
Loke bo mester pa bo por logra ku bo yunan ta kome berdura
Talbes e faktor mas importante ta bo mes aktitut i kon bo ta tuma komementu en general. No obligá e mucha di kome berdura òf mihó bisa, nunka obligá un mucha pa kome algu ku e no kier. Komo mayor semper sí bo enkurashá e mucha pa purba maske ta un kuchara, pero no rabia si e ninga. No ‘give up’ tampoko. Eventualmente un dia nan lo purba berdura, pues keda introdusí konstante un variashon den e berduranan. Kada biaha nan mira algu otro, nan ta mas inkliná pa purba algu nobo. Keda indiká semper sí kiko ta e importansha di kome berdura. Pa chikí ku un mucha ta, e por siña kon importante un bon nutrishon ta. Bo por djis bis’é: “ E berdura aki ta dushi i e ta hasi bo grandi, fuerte i salú”.
Algun triki pa bo por logra e kambio alimentisio aki den bo yunan:
- Agregá mas berdura na bo kumindanan dor di
meskla esakinan den preparashon di e kuminda òf
pon’é komo akompañadó (side idish)
- Pone na mesa un plato di salada, sea kurú òf
herebé, promé ku sirbi e kuminda. Bo yu lo ta mas
inkliná di skohe un òf mas berdura pa sasia su
hamber. Pone sigur esnan ku bo sa ku e lo por
kome mas lihé manera kònkòmber, awakati etc
- Mantené un kòmchi di “cherry tomatoes” òf “baby
Carrots”den bo eiskast komo un forma fásil i lihé di
'snack'. (bo mester tene na kuenta si ku e tipo di
alimentunan asin’aki por ta peligroso pa
mucha chikí i bebi pasombra nan por pega kuné).
- Ke hubo bo ta traha 'stick'di berdura i sirbi nan ku
su dressing òf dep sous preferí?
- Sòru pa ora bo ta kushina òf stom berdura,
esakinan keda firme riba nan kurpa i no bira moli
moli. E último aki sigur lo no yuda e kousa ku bo
kier logra.
- Traha batata machiká di batata dushi na lugá di
gewon batata – Batata dushi ta riku na vitamina A.
Kon pa konvensé bo yu pa kome mas berdura?