Adultonan
Den e grupo di adulto aki ta kai tur hende riba 18 aña ku ta usa internèt pa metanan privá. E grupo aki ta shòp online, subi retnan sosial, usa servisionan di online banking, manda e-mail, whatapp ets.
Pa adultonan tambe por ta safe online, nan mester:
-Tene kuidou ku yenamentu di informashon
personal den e-mail i manda pa hende ku nan no
sa ta ken òf duna nan informashon di credit card
via e-mail.
- Paga tinu pa Windows kore su updatenan
regularmente i pa tin un antivírus òf un internèt
security pakèt riba e kòmpiuter.
- Tene kuenta pa pone antivírus riba e telefòn
selular pa evitá vírus riba e telefòn.
- Tambe sòru pa no subi kualkier wifi habrí sin
password. Anto semper informá ta di ken e wifi ta
promé ku konektá bo telefòn òf tablèt na dje.
- Tene kuenta ku no ta safe pa pone informashon
personal riba retnan sosial.
- Kòrda ku tur loke nos pone riba retnan sosial ta
keda ei riba pa semper.
INTERMEDIO
Empleadonan
E grupo di empleadonan di un empresa privá o di gobièrnu ta hendenan ku ta hasi uso di un kòmpiuter i internèt pa nan trabou.
Pa empleadonan ta safe online nan mester:
- Lòk kòmpiuter ora ta lanta bai fo’i bo büró pa otro
hende no haña akseso na bo informashon.
- Tene password pa habri e kòmpiuter
sekreto.
- Stòp di manda spam rònt i habri tur sorto di e-
mail pasombra esakinan por plama vírus riba e ret
di e kompania.
- Paga bon tinu pa ku si riba e kòmpiuter tin
antivírus software promé hasi uso di internèt.
- Separá uso di smartphone privá for di esun di
trabou i mester usa antivírus riba e smartphone tambe.
- No hasi uso di wifi públiko kaminda tur hende por
subi pa asuntunan di trabou, sin importá si e tin un password òf no.
- Pa finalisá tambe empleadonan mester tene
kuidou ku papia muchu over di nan trabou riba retnan sosial pa nan no bira víktima di malechornan ku por malusá e informashon.
"E meta di e luna di Cyber Security ta pa nos bira mas konsiente di e riesgonan i kiko pa hasi pa ta mas safe ora nos ta online. Safe sin peliger ku malechornan por yega na nos informashonnan i/òf na nos yunan".