KOMPARÁ I KUMPRA
KALIDAT DI IMÁGEN
Bo por evaluá televishonnan abase di nan kalidat di imágen i asina komprobá kua ta esun ideal pa abo. E evaluashon aki por ta unu difísil. Esaki debí ku den e establesimentunan mayoria biaha e posishon ku e televishonnan ta pone ta frontal. Banda di esei, tur e televishonnan ta instalá di tal sistema ku un kalidat di imágen fèl i mayoria bia nan ta pasa propagandanan den e mesun tono di kolo aki. Pero tòg tin 1 aspekto sumamente importante ku por yuda bu wak e kalidat di e televishon ku bo ke kumpra. E aspekto aki ta e ángulo di bista.
Ta konsehabel pa abo ku ta bai kumpra bo televishon, tuma tempu i wak e pantaya di e televishon di diferente ángulo. No wak e di dilanti so! Purba tambe na kalkulá unda bo stul, banki òf sofa ta situá na kas i wak e televishon di e ángulo ei. Esaki ta yudabo kontrolá e kalidat di imágen di e diferente televishonnan.
Kòrda ku un televishon ku ta konsistí di hopi karakterístika i posibilidatnan, outomátikamente ta un televishon ku un preis un poko mas haltu. Pues promé bo saka sèn i paga, analisá kiko enberdat bo TIN MESTER i no lo ke bo ta DESEÁ!.