DEN CHIKÍ
Buskando un bon kòmpiuter òf lèptòp
?
Selekshoná e karakterístikanan manera na entre otro e sistema di operashon, e pantaya, mikro prosesadó, memoria i disco duru, konforme e nivel di estudio òf speshalidat ku bo ta kursando.
Informá durabilidat di bateria di e aparato, pa esaki no kaba kubo na un momentu ku bo no a spera.
Atkirí i aktualisá periódikamente e sistema di protekshon antivirus pa protehá bo programa- i dokumentunan.
Evitá eksponé bo aparato na temperatura haltu, humedat o moveshonnan brutu.
No opstruí e kanal di ventilashon di e aparato.
I mas importante, warda e papel di garantia di e aparato, pa por si akaso algu mester sosodé ku esaki.
Aki algun TEP....
BO BANKO NA MAN
Komodidat vs seguridat? Paga tinu pa mirónes rònt di bo.
Ku un bon telefon, un telefon inteligente, baimentu di banko ya no ta realmente nesesario mas. P.e. chèk bo saldo òf hasi kualke transakshon den komodidat di bo kas, a bira fásil i asta dibertido ku 'Mobile Banking'. Segun un estudio di Consumentenbond Hulanda, tantu esnan yòn komo esnan di mas edat ta hasi uso di dje método moderno aki ..Pero kon sigur esaki ta?
Algun tep pa hasi bo eksperiensha mas safe i sigur:
• Skohe un pasword di entrada ku ta ku difísil pa hende pensa.
• Evitá fecha di nasementu, number di outo, nòmber di bo promé yu etc etc.
• Kada tantu tempu kambia bo pasword pa bo ta mas safe
• Protehá bo telefon òf tèblèt ku un kódigo di entrada ku ta úniko
•No usa “wifi” habri pa bo hasi bo transakshonnan mobil
• Promé bo log in, wak ku no tin mirónes rònt di bo
• Manera bo finalisá e transakshon, “log out”,
• Periódikamente aktualisá e “app” pa bo ta sigur di e lastu modifikashonnan
• Kontrolá ku regularidat bo sistema i hasi adjuste si ta nesesario.