Drumi lat
por laga bo kome mas tantu?!
Benefisionan di zeta di koko pa bo salú
Zeta di koko ta bon pa kuido di kueru: Zeta di koko ta un zeta di masashi ekselente ku ta aktua efektivamente riba tur tipo di kueru, inkluso kueru seku. No a deskubrí niun efekto sekundario ku e uso di zeta di koko pa kueru. Tambe zeta di koko ta wanta e desaroyo di rimpel nan ku ta aparesé ku edat. Zeta di koko tambe ta yuda den tratamentu di infekshonnan di kueru manera dermatitis, eksema i otro tipo di infekshonnan. Pa e motibu aki zeta di koko ta wòrdu usa den produktonan manera habon pa baña, loshon i krema.
Zeta di koko ta bon pa kuido di kabei: Zeta di koko ta yuda pa e kabei krese I ta duna un bunita brio na e kabei. Zeta di koko tambe ta yuda evitá pèrdida di proteina den e kabei ku pone bo kabei kai òf lusi mahos. Si bo masashi bo kabei konstante ku zeta di koko e ta kita kaska for di bo kueru di kabei I ta fortalesé e kabeinan ku ta kresiendo. Zeta di koko ta wòrdu usa den diferente “conditioner” i produktonan pa evitá kaska den kabei.
Zeta di koko ta subi nos sistema di defensa: Zeta di koko ta subi nos sistema di defensa paso e ta kontené “lauric acid, capric i caprylic” ku ta anti-fungus, anti-bakterial i anti-viral. Kiermen zeta di koko ta yuda kombatí malesanan kousá pa bakteria i vírùs manera ku ta afektá nos sistema di defensa.
Zeta di koko ta yuda e sistema digestivo: E funshon interno di zeta di koko ta bini dor ku e ta wòrdu usa pa kushina ku n’e. Zeta di koko ta yuda mehorá e sistema digestivo i komo resultado ta prevení problemanan relashoná ku e stoma i digeshon. E vèt saturá ku tin den zeta di koko ta kombatí diferente bakteria, fungus i parasit ku por kousa indigeshon. Tambe zeta di koko ta yuda nos kurpa apsorbé otro nutrientenan manera vitamina, mineral i amino acid.
Zeta di koko ta yuda kura infekshon: Ora ku zeta di koko wòrdu hunta riba un área infektá, e zeta di koko ta forma un lag kímiko ku ta protehé e parti di e kurpa for di stof, airu, fungus, bakteria i vírùs. Zeta di koko ta bon pa pone ora bo raspa bo kurpa paso e hasi e proseso di kuro di e tissue nan ku a wòrdu daña mas lihé. Tambe zeta di koko ta bon pa ora bo ta sufri di pia di atleta i pa evitá raspa di pèmper serka baby.
Zeta di koko tin hopi benefishinan mas pa nos salu i kada bes estudionan ta deskubrí mas benefishinan di zeta di koko pa nos salu.
Kortesia di: Sanatura Curaçao
Vivian Allee