DEN CHIKÍ
Ta bon pa tene na kuenta ku na momentu ku un komersiante duna bo garantia por ehèmpel di un òf tres luna, abo komo konsumidó konsiente tin ku puntra bo mes ta dikon e komersiante ta duna un garantia pa un período kòrtiku i ta kiko e garantia aki ta enserá.
Tuma na konsiderashon ku ta e período kòrtiku aki so e komersiante ta para tras di loke e ta bende. Pasobra si e sa ku ta kalidat e ta bende e lo ta dispuesto pa duna abo komo konsumidó mas tempu di garantia. Na momentu ku e artíkulo daña mayoria komersiante ta keda para riba e período di garantia ku nan ta duna.
Semper bo por aserká Fundashon pa Konsumidó pa intermediashon den kaso bo no keda kla ku e komersiante, pero semper ta bon pa bo informá bo mes bon promé bo sera un konvenio di kompra!
Sa bo derechi:
BO TABATA SA KU:
Piská ta bon pa esun ku ta sufri di artrítis?
Artrítis ta nifiká literalmente inflamashon di bo arterianan (artr = artikulashon, itis = inflamashon). Den mundu di medisina nan a identifiká mas di 100 tipo diferente di artrítis i enfermedatnan asosiá, entre kual nan ta inkluí enfermedatnan ku ta afektá bo wesunan, bo múskulonan, e artikulashonnan i e tehidonan ku ta sostené esakinan.
Kon por yuda minimalisá su efektonan? Piská manera salmou, makrel, tuna i saldinchi ta bon pa kontené òf minimalisá artrítis. Nan ta kontené Omega Oil ku ta bon pa nos sistema imün.
Den nos página di salú nos lo amplia mas riba e síntomanan di artrítis.
PA PENSA ARIBA:
“Bo presupuesto tei pa bisa bo unda bo sèn TIN ku bai, na lugá di ku abo kibra kabes pa sa unda bo sèn A bai.”
Kiko hasi si bo aparato elektróniko mester daña despues di e período di garantia?