Konsumidó Alertá Volumen 23, febrüari 2016 | Page 19

Di otro banda a wòrdu probá ku e zeta di piska vèt ta yuda ku reumatismo i artrítis. Piska vèt ta entre otro: Salmou, forel i haring, makrel, sardinchi, bakiou tin sierto vèt ku ta bon pa e skarnirnan di kurpa. Hende ku problema di skarnir por kome piska fèt dos te tres bes pa siman òf nan por usa e fèt aki den un kápsula. Piska fèt den bleki tambe ta bon pero mihó ta naturalmente e piska fresku. Tambe tin zeta ku yama 'Teunisbloemolie'. E zeta aki tambe ta baha inflamashon. Esaki ta spesial pa hende ku no ta kome piská. Tur e zetanan aki tin e asina yamá Omega-3-vetzuur den dje. Vegetarianonan ta saka e vèt aki for di e produktonan di soya i tofu. Pa e motibu aki a wòrdu pruebá ku un dieta vegetariano tambe ta yuda kontra di reumatismo.

KONSEHO

No warda te dia bo tin tur sorto di problema ku salú pa bo hasi kambio den bo komementu. Kuminsá mas tempran posibel. Siña bo yunan tambe pa kome salú. Trata mas tantu posibel pa bo kushiná bo kumindanan bo mes i sòru pa usa produktonan mas salú posibel. Tin hopi kos ku un hende mes por kambia masha fásil. Manera kome pan brùin en bes di pan blanku, stòp di usa suku. Si bo ke hasi algu un tiki sut, bo por usa honing komo endulsante.

Tin algun remedi homeopátiko ku ta wòrdu usá pa e problema di skarnir. Ta hopi importante pa e yerba korekto wòrdu buská i duná. Si un persona usa e yerba robes, e malesa no ta kita. Tin biaha e problema asta por oumentá. P’esei mester sòru pa no tuma remedi homeopátiko kon ku ta. Remedinan natural òf remedinan di yerba tambe tin nan peliger si bo no sa kua eksaktamente bo tin ku usa.

Esaki ta un djis un ekstrakto di un artíkulo hopi interesante skibi pa Sr. Rudolf de Wit, Fisioterapista i akupunturista.

Pa mas informashon

detayá di kiko ta artrítis òf artrósis:

Primi aki

kiko nan ta?