KOMPARÁ I KUMPRA
No eksponé kútis demasiado na solo
Apesar ku bo usa un protektor di solo fuerte, no ta salú pa bo eksponé bo kútis demasiado largu na rayonan di solo. Si bo ta den solo, por lo ménos despues kada 2 ora bo mester bolbe hunta protektor. Si bo ta den awa, bo mester usa e protektor mas frekuente. Fundashon Kanser di Kueru (The Skin Cancer Foundation) ta rekomendá pa usa protektor di mínimo 30 SPF (Sun Protection Factor), esaki por blòkiá 97% di rayo di solo, te un protektor di máksimo 50 SPF, ku ta bon pa blòkiá 98% di rayo di solo. SPF ta un midí ku ta indiká kon bon un protektor di solo ta protehá kútis kontra rayonan ultravioleta. E rayonan aki por kima òf lástima kútis, te hasta nan por kontribuí na kanser di kueru.
Usa sufisiente protektor
Pa protehá bo kútis di un forma apropiá, ta bon pa bo usa sufisiente protektor di solo. Sufisiente protektor di solo ta mas o ménos un kuart di un bòter di protektor di solo di 8 òns.
No usa protektor bieu
Kontrolá fecha di vensementu di e protektor di solo promé ku bo aplik’é na bo kurpa. Protektor ku vense kisas no ta proveé protekshon efisiente, pasobra algun kímiko ta bira inaktivo den transkurso di tempu.
Sea kouteloso ku protektor di spùit
Protektor di spùit ta mustra kumbiniente, pero su potensial pa afektá salú di hende no a wòrdu investigá kompletamente ainda. Ekspertonan di Consumer Report ta preokupá ku efektonan di inhalá ingredientenan di e sprei, prinsipalmente serka mucha. Ta rekomendá pa spùit e protektor promé den bo man i despues aplik’é na bo kurpa.
Hunta tur parti ku ta eksponé
Ta konsehabel pa bo hunta protektor na tur parti di bo kurpa ku ta eksponé na solo. No kubri solamente bo mannan, pianan, pechu i lomba ku protektor di solo. Kòrda riba bo oreanan, kueru di kabes i lepnan, pasobra e áreanan aki tambe ta eksponé regularmente na solo.
Hunta protektor promé ku bo sali kas
Ta konsehabel pa hunta protektor promé ku sali kas. Esaki ta permití e kueru apsorbé e protektor, loke ta nesesario pa e protektor por hasi su trabou.
Protektor di solo natural
Frutanan di sitrùs
Wòrtel
Chukulati puru
Broccoli, kolo i blumkol
Tomati i Patia
Berdura bèrdè fresku: kròpsla, spinazi, basilikùm i rósamarein
Stròbèri
Te bèrdè
Granatape
Almendra
Simia di linasa
Piská riku na Omega-3-rich
Un temperatura ameno no ta bisa nada di e intensidat di solo? Intensidat di solo ta un midi di e rayonan ultravioleta ku tin den e lus di solo. E intensidat di solo ta subi segun solo ta subi para mas haltu. Loke si por influensiá e nivel di solo ta nubia, humedat i stòf ku tin den atmosfera i tambe e kantidat di ozon. E kapa di ozon ku ta keda te ariba den atmosfera ta proteha mundu kontra rayonan ultravioleta.
Bo tabata sa ku....