Korte a dikta den e veredikto ku, for di momentu di pago, Aqualectra ta karga rísiko di pagonan hasí na e mas ku 200 puntonan di pago di Pagafásil i Pagomátiko. Segun e veredikto si un konsumidó paga via di Pagafásil òf Pagomátiko, e konsumidó a kumpli ku su deber di pago. Esaki ta nifiká ku basá riba e veredikto, Aqualectra mester aseptá tur komprobante di pago di Pagafásil i Pagomátiko komo komprobante di pago di Aqualectra. Si akaso algu bai robes den e transakshon entre Pagafásil/Pagomátiko i Aqualectra, Aqualectra ta keda responsabel pa esaki. Si un kliente por mustra su komprobante di pago di Pagafásil òf Pagomátiko, Aqualectra no por stòp suministro di awa i/òf koriente. Tampoko Aqualectra no por kobra e konsumidó gastunan adishonal si akaso interumpí suministro di awa i/òf koriente tòg, despues ku e kliente ya a paga via Pagafásil i Pagomátiko.
Fundashon pa Konsumidó ta konsehá konsumidónan pa semper warda nan faktura na momentu ku nan hasi pago na puntonan di Pagafásil òf Pagomátiko. I si dado kaso, abo komo konsumidó tin un keho, manda esaki na Aqualectra i Fundashon pa Konsumidó. Tuma kontakto ku nos via telefòn 462-6666 òf i-meil: [email protected].
Pago via Pagafásil i Pagomátiko ta kai bou di rísiko di Aqualectra