KOMPARÁ I KUMPRA
• Tin diferente tipo di kòmprèser di èrko, tin
kòmprèser C, B, A i A+. Wak na e etikèt ku tin pegá
na e èrko ki tipo di kòmprèser e èrko tin. Si e etikèt
no ta pegá na e èrko informá serka e bendedó.
• Laga un persona sertifiká pa e establesimentu
kaminda bo a kumpra e èrko instal’é. Hopi biaha
esaki ta un eksigensia pa e establesimentu para
garantia si algu bai robes.
• Usa brèker di èrko ku ta kuadra ku nos klima. Un
bon material ta: ‘Polyester Powder Coating’.
• No pega un èrko te den huki di muraya, esaki ta
opstakulisá distribushon di airu.
• No pone spòtlait banda di èrko paden. Esaki ta
pone ku e motor pafó mester ranka muchu duru
pa e lugá keda friu.
• Motornan, kòmprèser i fèn di èrko ta traha riba un
frekuensia di 60HZ. Evitá pa e èrko funshoná riba
otro frekuensia, pasobra esaki por laga e èrko
keinta i funshoná hopi slou i te asta kima e èrko.
• Limpia filter di bo èrko regularmente.
• Hasi servisio di mantenshon na bo èrko mínimo 2
pa 3 biaha pa aña.
• Midi gas di èrko regularmente. Si e nivel di gas ta
muchu abou e èrko no ta funshoná efisiente. Esaki
ta pone ku e èrko ta gasta hopi koriente.
• Temperatura di èrko mester ta 5 grado ménos ku
e temperatura pafó. Na Kòrsou ta ideal pa pone èrko
entre 22 pa 24 grado. Mas friu no ta salú; i ta gasta
hopi koriente.
• Tene porta i bentana di e espasio kaminda e èrko ta será. Sòru pa e espasio ta bon seyá pa friu no sali pafó i kayente no drenta paden. Esaki lo pone ku e èrko mester traha muchu duru.
• Glasnan di porta i bentana mester ta diki, òf mester tin bon kortina parti paden.
• No usa fèn di dak den espasio kaminda tin èrko, esaki ta hasi e proseso di distribushon di friu den e espasio difikultoso.
Tep pa spar energia
Komparashon di preis di èrko
Konseho di Fundashon pa Konsumidó ta pa semper laga un tékniko sertifiká, di e establesimentu kaminda ta bai kumpra e èrko, hasi un inspekshon i midi e espasio kaminda mester instalá e èrko i indiká e kapasidat di èrko nesesario. Pa kontrolá esaki bo por hasi uzo di un kalkuladó di BTU riba di Internèt. Bo ta hinka e midínan di e kamber (haltura, hanchura i grandura) i e sistema ta kalkulá kapasidat di e èrko ku bo mester.Riba wèpsait di Fundashon pa Konsumidó bo por haña e tabèl di komparashon di èrko.