Bo a yega di pensa kiko por sosodé na momentu ku bo kuminsá kome dadel tur dia? Probablemente nò! Dadel ta un fruta tremendo. Kome 3 dadel pa dia i lo bo nota kambionan faborabel na bo kondishon di salú. Bo tabata sa ku dadel ta:
Riku na nutriente
Dadel ta kontené koper, potasio, fibra, manganeso, vitamina B-6 i magnesio. Pues, bo no tin mester di bebe yen tipo di vitamina na momentu ku bo kome un mínimo di 3 dadel pa dia.
Mehorá sistema digestivo
E fibra ku tin den dadel ta redusí problemanan digestivo i te asta ta probá ku e ta minimalisá rísiko pa haña kanser na tripa. Ta rekomendá pa kome dadel asta komo un tratamentu pa inflamashon na benanan den e área íntimo (hemorrhoids).
CHIKITU, PERO MARAVIOSO
Kalma doló
Magnesio den dadel ta kontra-aresta inflamashon. P’esei dadel por yuda redusí doló i asta yuda ku inflamashon. Estudionan a mustra ku magnesio den dadel ta minimalisá e chèns pa haña problemanan ku kurason i tambe malesanan manera Alzheimer i artrítis.
Bon pa un embaraso salú
Si un hende muhé kome dadel den su último kuater simannan promé ku parto, e parto lo kana faborabel. Inkluso dadel por yuda ku bahamentu di peso despues di embaraso, basta si kom’é na midi.
Prevení preshon haltu i atake di kurason
E potasio ku tin den dadel ta yuda kurason traha mas mihó i ta redusí preshon. Tin mas ku 7 estudio ku ta demostrá ku magnesio ta baha posibilidat pa haña ataka di kurason ku 10% pa kaba 100 miligram di magnesio ku bo konsumí riba un base diario.
Mehorá funshonamentu di mente
Ora ku bo tin sufisiente vitamina B-6 den bo sistema, bo mente ta funshoná mas mihó. Esei ta nifiká ku bo por konsentrá mihó, memorisá mihó i por tin akseso mas lihé na informashon ku ta wardá den bo memoria. Dadel ta mantené bo mente skèrpi i kla pa apsorbé kos nobo.
benefishinan di dadel
CHIKITU, PERO MARAVIOSO
chikitu pero maravioso