Telefon Òf tÈblet
KOMPARÁ I KUMPRA
6. Sinkronisá bo presupuesto ku bo metanan i balornan personal
Unabes bo finalisá bo presupuesto, analis’é bon i wak si e ta kuadra ku bo balornan i metanan personal. Bolbe hasi e ehersisio aki ora ku bo tin algun luna ta usa bo presupuesto. Si bo tin difikultat pa mantené bo mes na bo presupuesto, kisas bo ta gasta sèn na algun kos ku no ta kuadra ku bo metanan.
7. Organisá i warda tur bo resibu i faktura
Organisá tur bo resibu i faktura segun kategoria (por ehèmpel: kas, utilidat, gastunan di outo, fiansa) i warda nan tur luna den un map. Esaki lo fasilitá bo si resultá ku bo mester di informashon pa kontrolá bo historia finansiero. Organisá tur bo resibu i fakturanan por simpliká e proseso di deklará impuesto na fin di aña.
8. Revisá i rekalkulá bo presupuesto
Revishon mensual di bo presupuesto por yuda bo mantené bo finansa kontrolá. Presupuesto ta un pronóstiko di loke lo pasa, pues tuma tempu pa bo analisá i reportá loke pasa realmente mensualmente. Anotá na kiko bo a gasta sèn i di ki manera bo a logra spar? Kiko bo por hasi diferente siguiente luna? Meskos ku ta importante pa bo revisá bo presupuesto mensualmente, ta importante pa bo rekalkulá bo presupuesto kada 3 pa 6 luna òf kualke momento ku un kambio drástiko tuma lugá den bo situashon finansiero.
9. Paga kèsh pa gastunan chikí
Permití bo mes tin un montante modesto (chikí) kèsh huntu ku bo, i hasi uso di esaki tur momento ku bo por. Tin biaha ku bo paga kèsh, lo bo ta mas konsiente na kiko bo a gasta sèn i kuantu biaha bo a saka sèn ku si bo paga kada bes ku bo tarheta di banko, chèk òf via internèt.
10. Tin indulgensia ku bo mes si bo faya
Ta kasi imposibel pa sigui un presupuesto 100%. No ta importá kon disipliná bo ta, tin luna ku lo bo saka mas sèn ku bo a presupuestá. Tin indulgensia ku bo mes pa erornan chikí ku bo kometé den e proseso di mantené bo mes na bo presupuesto. Kada bes ku bo faya, kuminsá sigui bo presupuesto mas lihé ku ta posibel.