NOTISIA
Hopi di nos na Kòrsou ta skohe pa bai afó ku fakansi. Komo ku nos ta biba riba un isla e manera mas efisiente pa biaha bai den eksterior ta ku avion. Kada aerolinia tin su mes reglanan pa ku ekipahe ku e konsumidó por biaha ku ne. Tin reglanan pa peso máksimo di ekipahe, pero tambe tin reglanan di tamaño na kual ekipahe di e konsumidó mester kumpli kuné.
Komo ku kada aerolinia tin su propio reglanan pa ku tamaño i peso di ekipahe, esaki por trese frustrashon serka e biahero, komo ku lokual ta pèrmití na un aerolinia no ta permití na e otro.
Fundashon pa Konsumidó a buska informashon di reglanan pa ekipahe di man di aerolinianan ku tin Kòrsou komo destinashon. Pa duna un mihó bista di kon e midínan pa ekipahe di man ta varia, nos a pone e midínan di e aerolinianan mas konosí bou di otro.
Aerolinia
Air Berlin
American Airlines
Arke
Avianca
Divi Divi Air
Insel Air
KLM
Tiara Air
IATA Recommended 55 x 35 x 20 cm.
Manera nos por tuma nota, e tamaño máksimo di mayoria di e aerolinianan ariba menshoná pa loke ta trata ekipahe di man, ta mas grandi ku e tamaño rekomendá dor di IATA. Solamente e tamaño máksimo permití dor di Insel Air i Divi Divi Air ta mesun kos ku òf ménos ku e tamaño rekomendá dor di IATA.
E asosiashon internashonal di transporte aerio (IATA) den e luna di yüni a duna di konosé di ta trahando riba un programa yamá “IATA Cabin OK” pa bini ku un tamaño standart pa ekipahe di man ku lo tin e siguiente midínan: 55 x 35 x 20 cm. 257 aerolinia rònt mundu ta miembro di IATA. E aerolinianan Arke, Divi Divi Air i Tiara Air no ta miembro di IATA.