Nos ta kompartí ku bo e reseta di apel i kané. E ta un estilo ideal pa aselerá bo sistema di metabolismo. E ingredientenan apel i kané ta pèrkurá pa aselerá e proseso pa baha e peso di awa den bo kurpa. Peso di awa ta e peso di e kantidat di awa akumulá den bo kurpa. Pa esnan ku ta tene kuenta ku konsumo di kaloria pa dia, e awa aki tin kasi nada di kaloria den dje. Ora bo bebe e bebida aki bo por eksperensiá bahamentu di peso i tambe un nivel di energia hopi haltu. E awa aki ta ideal pa bo bebe ora ku
bo kaba di hasi deporte òf simplemente ora ku bo ke refreská ku algu di smak.
Ingredientenan:
• 1 kanika di awa
• 3 apel (preferibel apel zut)
• 2 stòki di kané (pa variashon e kané na puiru
tambe ta hasi un bon trabou, usa dos kuchara )
• Klònchi di eis (na smak)
Preparashon:
• Yena bo kanika di awa ku awa friu
• Laba i kòrta e apel den snechi fini (pa por pas den bo
kanika)
• Agregá e apel i stòki di kané
(òf 2 kuchara di kané di puiru)
den bo kanika di awa
• Drai nan bon den otro i komo
lastu bo ta pone bo klònchi di ei
Tep: No tene e awa aki mas
ku tres dia den bo frishidèr.
Un kurpa limpi, un kurpa yen di energia
Bebe apel i kané
Bebe awa ku apel i kané
Resetanan pa desintoksiká kurpa ku awa ta mashá popular últimamente. E bebida aki no solamente ta bon pa bo salú, pero tambe e ta hopi dushi. E ta sirbi bon pa limpia bo kurpa di tur tipo di tóksiko, hidratashon di bo kútis i tambe ta yená bo ku energia.