Konsumidó Alertá Volumen 18, yüni -yüli 2015 | Page 19

BO SALÚ

Desbentahanan di bahamentu di peso ku batido:

•Si bo stòp di usa e batido i bo bai bèk na bo propio patronchi di kome, e chèns ta grandi pa bo bolbe subi di peso. P'esei ta importante pa bo kambia bo propio ámbitonan di kuminda.

•Kome frekuentemente ku otronan ta difísil. Espesialmente ora ta spera ku abo mester kushiná pa e demas personanan.

•Si bo no gusta e smak zut, lo ta difísil pa bo skohe otro smaknan.

•Batido no ta alimentashon integral. Loke no wòrdu poné den dje, no ta aden. Asina ta wak riba e empake kiko e ta kontené.

•E kumpramentu di produkto por ta hopi karu, sigur ora bo tin un programa spesial pa baha peso.

Vitamina i mineralnan adishonal?

Mayoria batido i remplasante pa kuminda ta kontené vitamina i mineralnan adishonal. Sinembargo amenudo ta wòrdu konsehá pa tuma suplementonan. Ta importante pa wak riba e paki kua vitamina i mineral tin den e batido. Tambe ta bon pa sòru pa kome sufisiente bèrdura i fruta banda di e batido.

Banda di un kuminda salú i balansá no ta obligatorio pa tuma vitamina i mineralnan adishonal, ni tampoko si bo ta den proseso di baha peso. Pa algun persona esei por ta un eksepshon. Informá si abo mester di vitamina i mineral adishonal.