Stabilisá suku den sanger
Bon notisia pa e diabétiko òf persona ku tin suku instabil, kané por perkurá pa regulá e nivel di suku den sanger. Asina e ta hasi e sèlnan sensitivo pa insulina, pero tambe ta perkurá pa un retraso pa pasa suku den e kanal di digestion. Solamente un telep pa dia por perkurá kaba pa un kambio grandi.
Protehá kontra di kanser
Aktualmente kasi unu di kada 2 persona ta haña su mes konfrontá ku kanser. Afortunadamente kané por baha e rísiko pa haña kanser. E benefishi por bini paso kané ta disminuí e efektonan di suku.
Kombatí skemel (candida)
Un investigashon a demostrá ku zeta di kané ta disminuí infekshon di skemel ku ta bini di e fermentashon Candida. Pero naturalmente ta mihó pa evitá suku.
Mehorá konsentrashon
Kané por hisa bo konsentrashon i na mes momentu por hasi bo tolerante. Tambe bo memoria por haña un fortifikashon dor di uso di kané. E ta un antioksidante masha potente.
Un oksidante fuerte
Oksidashon, òf stof agresivo, por pone nos bira bieu dor di tuma elektronnan for di nos kurpa. Kané por bolbe duna e kurpa elektronnan i esaki ta hasié un bon oksidante. Riba skal ORAC di antioxidante kané ta para na di tres lugá. Pues kané ta mantené bo yòn i vital.
Baha e kolesteròl
Mas i mas investigashon ta mustra ku un dosis chikí di kané por baha kolesteròl debidamente. I si esaki no ta sufisiente, kané ta baha asta otro tipo di vèt ku ta aparesé den nos kurpa (tryglycerides).
Ta riku na mineral
Kané ta kontené hopi mineral manera manganesia, heru u kalsio. Spesialmente e manganesia ta esun ku un representashon mas haltu den kané. Pero tambe e ta kontené hopi vitamina C i K.
Por ta un kontesta riba Alzheimer
Un investigashon a mustra ku kané por minimalisá Alzheimer riba bestia. Si esaki ta funshoná riba hende esei mester wòrdu investigá ainda, pero e resultadonan aki ta hopi prometedor!
Anti bakteria
Kané ta protehé bo di bakteria, mikrobio i skemel. Pues si bo tin un skemel na bo uña di pia, kané por redusí esaki.
Sigun e arte kurativo di chines di antaño, kané por aportá pa un mihó digestion. Prinsipalmente den platonan zut kané ta duna un dimenshon èkstra. Loke tambe bo por hasi ta traha reskuk òf papa ku kané.
Kané ta dushi i super saludabel tambe!
Benefishinan di kané